“Azadlıq” qəzeti ölkədəki səfirlərlə konfidensial danışıqları açıqladığına görə diplomatların PA rəhbəri Ramiz Mehdiyevi boykot etməsi xəbərini ilk səhifəyə çıxarıb.
Dövlət başçısı İlham Əliyev ADR-in qurucusu Məhəmmədəmin Rəsulzadənin anadan olmasının 130 illik yubilieyilə bağlı sərəncam imzalasa da hər hansı tədbir keçirilməməsini qəzet “sərəncamın kağız üzərində qalması” adlandırır.
Ölkənin xarici siyasətinin uğurlu olması haqda Azərbaycan XİN-in hesabatına müstəqil politoloqlar “rəsmi qurumların hesabatlarına ciddi yanaşmaq olmaz” mövqeyini sərgiləyiblər.
Ölkədə siyasi məhbusların sayının artmasını hüquq müdafiəçiləri Qərblə danışıqlarda rəsmi Bakının “alver predmeti”nə döndərmək istəməsilə bağlı olduğunu bəyan ediblər.
“Yeni Müsavat” qəzetinin iqtidarı tənqidə məruz qoyan bir yazı belə yazmadığı halda bir həftə ərzində Milli Şuranın əleyhinə 78 yazı dərc edib.
Ekspertlər ölkədə inhisarçılıq aradan qaldırıldığı halda ölkədə 30% həddində ucuzlaşmanın baş verə biləcəyi proqnozunu səsləndiriblər.
“Bizim yol” müxalifət qüvvələrinin 20 Yanvar şəhidlərini ziyarət etdikləri məqamda telekanalların canlı yayımı dayandırmalarını önə çəkib.
Yanvar ayının 18 günündə ölkədə 18 intihar hadisəsi qeydə alınıb.
Suriyada rəsmi Şama qarşı döyüşlərdə qanunsuz dəstələrin tərkibində döyüşən Azərbaycanın daha iki vətəndaşı öldürülüb.
Şahdağ” turizm kompleksinin tikintisi zamanı torpaqlarını aldıqları vətəndaşlara Azərbaycan hökumətinin hər sota görə 24 qəpik ödəməsinə ekspertlər “bazar qiymətindən 40 dəfə aşağı kompensasiya” şərhini veriblər.
“Yeni Müsavat” Sədərək gömrük məntəqəsinin rəisi Mirməhəmməd Seyidovun bir müddət öncə Türkiyədə həbsə alınmasını önə çəkərək hədəfdə Vasif Talıbovun olduğunu iddia edir.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz