Hakimiyyət SDİ-nin tədbirini pozmaq istəyir

Hakimiyyət Sülh və Demokratiya İnstitutunun (SDİ) yanvarın 23-də tədbir keçirməsinə maneçilik törədir. Belə ki, tədbir zamanı siyasi məhbusların siyahısının açıqlanması planlaşdırılır. Bu barədə SDİ-nin direktoru Leyla Yunus bildirib.

Onun sözlərinə görə, prezident İlham Əliyev Brüssel səfəri zamanı Azərbaycanda siyasi məhbusların olmadığını bəyan etdikdən sonra SDİ tədbir keçirmək və siyasi məhbusları adbaad açıqlamaq qərarına  gəlib.

SDİ tədbirin keçirilməsi üçün üç otelə müraciət edib və qiymətlə bağlı daha münasib variant kimi “Diplomat” otelini seçib.

Mehmanxana administrasiyasının razılığını alan SDİ tədbir iştirakçılarına, o cümlədən xarici dövlətlərin səfirliklərinə dəvət göndərib.  12 diplomatik missiya səfirlərin səviyyəsində tədbirdə iştirak etməyə hazır olduqlarını bildirib.

Lakin yanvarın 20-də “Diplomat” otelindən L.Yunusa telefon edərək bildiriblər ki, SDİ üçün zal ayrılmayacaq. L.Yunus bu göstərişin hakimiyyətdən daxil olduğunu başa düşüb. 

Buna baxmayaraq, SDİ tədbiri keçirməkdə,  siyasi məhbuslar, həmçinin hakimiyyətə “işləyən” AŞPA məruzəçiləri Pedro Aqramunt və Cozef Qrexin xoşagəlməz rolu barədə yerli və xarici ictimaiyyəti məlumatlandırmaqda israrlıdır. Məhz məruzəçilərin belə mövqeyinə görə Azərbaycanda siyasi məhbusların sayı artır.06D--