Dörd növ bütün mükafatların üçdə ikisini təmin edib

2013-cü ildə avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) mükafatlar üzrə lider olub – 69 mln 211,43 min manat.  Bu, könüllü tibbi sığortadan 3,78 mln, avtomobillərin КАСКО sığortasından 12,35 mln çoxdur. 

Ümumən ötən il 405 mln 672,51 min manat mükafat yığılıb. İl ərzində artım 15,6% olub.

Adambaşına mükafat həcmi 43,1 manatdır ($55). Ötən illə müqayisədə artım 15% təşkil edib. 

Əvvəlki illər mükafat artımı daha çox avtosığorta və KTS üzrə olubsa, bu il AVSMMİS və həyat yığım sığortası onu keçib. KTS üzrə 65,43 mln manat, КАСКО sığorta üzrə 56,86 mln manat toplanıb..

Həyat sığortası 68,78 mln manat gəlir gətirib. Bu 4 növ mükafatların 64,1%-i təmin edib. 

Mükafatların çoxu könüllü növlər üzrədir – 270,97 mln manat. Bədbəxt hadisə və xəstəliklərdən sığorta üzrə 10,89 mln manat, hava nəqliyyatının sığortası üzrə 11,48 mln manat, hava nəqliyyatı vasitələri sahiblərinin mülki məsuliyyətinin sığortası üzrə 4,01 mln manat, yük sığortası üzrə 15,75 mln manat, su nəqliyyatının sığortası üzrə 1,34 mln manat mükafat olub.

Avtonəqliyyat vasitələri sahiblərinin mülki məsuliyyətinin sığortası üzrə 2,03 mln manat, əmlakın yanğından və başqa risklərdən sığortası üzrə 47,72 mln manat, başqa növlər üzrə  1,01 mln manat yığılıb. 

Xaricə səyahət sığortası üzrə 1,85 mln manat, kənd təsərrüfatı sığortası üzrə 1 mln manat, ümumi mülki məsuliyyətin sığortası üzrə 5,3 mln manat, işə götürənlərin məsuliyyətinin sığortası üzrə 1,46 mln manat, peşə məsuliyyətinin sığortası üzrə 589,27 min manat  toplanıb. 

İcbari növlər üzrə 134,71 mln manat yığılıb. Bu, əvvəlki ildəkindən 7 mln çoxdur.  Hərbçilərin icbari sığortası üzrə 17,06 mln manat, məhkəmə və hüquq-mühafizə orqanları əməkdaşlarının icbari sığortası üzrə 9,69 mln manat toplanıb. 

Əmlakın icbari sığortası üzrə 13,28 mln manat, daşınmaz əmlakın icbari sığortası üzrə 372,79 min manat, sərnişinlərin icbari sığortası üzrə 84,01 min manat yığılıb. 

Ümumi ödənişlər 122,8 mln manatdır. KTS üzrə 46,16 mln, КАСКО üzrə 27,96 mln, AVSMMİS üzrə 26,9 mln manat ödəniş edilib. --17D–