Mətbuat-Monitorinq 21.05.15

Rəsmi qəzetlər dövlət başçısı İlham Əliyevin Binəqədi rayonundakı yanğın baş verən çoxmərtəbəli binanın ərazisində olması, bu fhadiusə ilə bağlı yaradılan komissyanın iclasında iştirak etməsini ilk səhifələrdə yerləşdiriblər.    

“Azadlıq” qəzeti  Beynəlxalq banka kredit borclarına görə həbs edilən iş adamlarının arxasınca onları himayə edən məmurların həbs olunacağnı “ölkədə növbəti həbs dalğası başlayır” adı ilə manjetə çıxarıb. Qəzetin yazdığına görə “kredit qalma-qalı” ilə bağlı Beynəlxalq bankın keçmiş rəhbəri Cahangir Hacıyev bu gecə bandotdelə aparılıb. Qəzetin iddiasına görə Vergilər naziri vergi borcu ilə bağlı nəqliyyat naziri Ziya Məmmədova məxsus “Transgeyt” şirkətinin adını da “qara siyahı”ya salıb.

Qəzet Binəqədi rayonu, Azadlıq prospektindəki 16 mərtbəli binada kütləvi ölüm və xəsarətlərlə müşayət edilən yanğın barədə təhlil apararaq məsuliyyətin hakimiyyətin üzərində olması qənaətini ifadə edir.

Ekspertlər Azərbaycanda qanun işləmədiyi, məhkəmələr müstəqil olmadığı üçün rəsmi Bakının ölkədəki maliyyə durumunu yaxşılaşdırmaq üçün offşor zonalardakı pulları ölkəyə gətirmək səylərinin nəticəsiz qalacağını bəyan ediblər. Qəzet Bakıda keçiriləcək Avropa Oyunlarının xalqın ictimai narahatlığı üzərində qurulduğu üçün ümumiyyətlə bu oyunların xalqa lazım olmaması bəyanatı səsləndirir. Sumqayıtda ağacların kəsilməsinə etiraza görə şəhər rəhbərliyinin “dəli” adı ilə Maştağa ruhi xəstəxanasına göndərdiyi Sumqayıt dram teatrılnın aktyoru Anar Süleymanova xəstəxanada sağlam olması diqnozu qoyulub və buraxılıb.

“Ekspress” qəzeti dövlət başçısı İlham Əliyevin Binəqədi rayonu Azadlıq prospektindəki 16 mərtəbli binadakı yanğınla bağlı keçirdiyi müşavirədə dövlət əmlakını talayan iş adamlarına himayədarlıq edən məmurları tənqid etməsini ön plana çıxarıb. Qəzet binada yanğına səbəb olan poliuteran üzlüklərin Bakıdakı belə üzlüklü binalardan sökülməyə, bina fsadlarının daş materiallarla üzlənməyə başladığını yazır.

“Exo” qəzeti Binəqədi rayonunda 16 mərtəbəli binada yanğına səbəb kimi binanın poliuteran üzlüyünü gösətərir və ekspertlərə isnadən belə üzlüklü istənilən binada yaşayan sakinlərin həyatının təhlükədə olduğu xəbərdarlığı edir.  

“Bizim yol” qəzeti Binəqədi rayonu Azadlıq prospektindəki binada yanğınla bağlı müşavirədə məmurları sərt tənqdi etməsini “yanğınla bağlı həbslərin anonsunu verməsi” kimi dəyərləndirərək ilk səhifəyə yerləşdirib. Qəzet  binada yanğına səbəb olmuş poliuteran üzlüklərin binalardan sökülərək betoranla əvəz olunmasına başlandığını yazaraq bu materialın da yanğına davamlı olmadığını bildirir.  

Qəzet dövlət vəsaitlərini taladıqlarına görə saxlanılan iş adamlarından 6 nəfərinə həbs sanksiyası veriləcəyini nəzərə çatdırır. 

“Yeni Müsavat” qəzeti dövlət başçısı İlham Əliyevin Avropa Birliyinin Riqa sammitinə qatılmamasını “İlham Əliyevin Aİ-na qarşı demarşı”, “BakıQərb münasibətləri qırılma həddində” adı ilə ilk səhifəyə çıxarıb.

Qəzet Binəqədi rayonu Azadlıq prospektindəki 16 mərtəbli binada baş verən yanğının Bakı şəhər icra hakimiyyəti Hacıbala Abutalıbovun siyasi karyerasını bitirəcəyini bildirir. Qəzetin yazdığına görə yanğına səbəb olan poluretan üzlük örtüyünə uyğunluq setifikatlı verdiyi üçün standartlaşdırma komitəsinin sədri də karyerasını bitirə bilər. Deputat Vahid Əhmədov binadakı yanğının binaya vurulan təkcə poluretan üzlüyə bağlı olmadığı, bu işin arxasında vəzifəli şəxslərin durduqlarını bəyan edib. Rəsmi Bakının binanın yanmasına təxribatın da səbəb ola biləcəyi versiyasına ekspertlər “bu təxribatın adı korrupsiya, acgözlük, soyğunçuluq, məsuliyyətsizlikdir” cavabı veriblər.

Qəzet yazır ki, dövlət başçısı İlham Əliyevin əmisi oğlu İlqar Əliyevə məxsus “Riyad-FARM” dərman satışı şirkəti “kğnüllü” olaraq fəaliyyətini dayandırır.