Yerevanla Minsk Krım haqda frazaya görə Riqa kommünikesindən imtina ediblər
Ermənistan və Belarus “Şərq tərəfdaşlığı” sammitinin yekun kommünikesini imzalamaqdan imtina ediblər. Bu, sənəddə “Krımın anneksiyası” frazasının işlənməsi ilə bağlıdır. Bu barədə Reuters sənədin mətninin müzakirəsində iştirak edən avropalı diplomatlara isnadən bildirib.
Mənbə bildirib ki, Brüsseldə danışıqlar “asan” keçməyib. O qeyd edib ki, Ermənistan və Belarus bildiriblər ki, əgər “Krımın anneksiyası” haqda söhbət gedərsə sənədi imzalamayacaqlar. Onun sözlərinə görə, Aİ diplomatları mətnin kompromis variantını hazırlamağa məcbur olublar.
Agentliyin məlumatına görə, yekun sənəddə Aİ-nin Krımın Rusiyaya birləşdirilməsini pisləməsi əksini tapacaq, həmçinin 2014-cü ilin martında BMT-də səsvermə zamanı digər iştirakçı ölkələrin tutduğu mövqe xatırlanacaq. O zaman Ermənistan və Belarus Moskvanın mövqeyni dəstəkləmişdi.
Mayın 21-də Riqada “Şərq tərəfdaşlğı” sammiti açılacaq. Tədbirdə Aİ nümayəndələri, həmçinin keçmiş SSRİ-nin altı ölkəsi – Azərbaycan, Ukrayna, Gürcüstan, Moldova, Ermənistan və Belarus təmsilçiləri iştirak edəcəklər.
Cümə günü sammitin yekunlarına əsasən birgə yekun kommünike qəbul olunmalıdır. Artq bu gün sammit iştirakçıları sənəd layihəsini müzakirə edəcəklər.
Rusiya XİN nümayəndəsi Aleksandr Lukaşeviç bundan öncə bildirib ki, Moskva sammiti diqqətlə izləyəcək, çünki “tərəfdaşlıq açıq ifadə olunmuş antirusiya istiqaməti alıb”.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz