Mətbuat-Monitorinq 21.10.14

Rəsmi qəzetlər dövlət başçısı İlham Əliyevin Albaniya parlamenti sədrinin başçılıq etdiyi nümayəndə heyətini, Avstriya parlamentinin vitse-spikerini, Avropa İttifaqının Cənubi Qafqaz üzrə xüsusi nümayəndəsini qəbul etməsi haqda xəbərləri, Daşkəsən, Naftalan, Goranboy rayonlarının sosial-iqtisadi inkişafı ilə bağlı hər birinə 2 milyon manatın ayrılması haqda sərəncamın mətnini ilk səhifələrdə dərc ediblər.

“Azərbaycan” qəzeti həbsdə olan hüquq müdafiəçisi Leyla Yunusla bağlı onun vətən xaini kimi yadda qalacağı haqda irihəcmli təhqiramiz məqalə dərc edib.

“Azadlıq”  regional təhsil idarələrinin yaradılması haqda dövlət başçısının fərmanının olmasına baxmayaraq, hələ də bu qurumların yaradılmamasını “Ramiz Mehdiyevin fərmanı təxirə saldırması” iddiasını ilk səhifəyə çıxarıb.

Daxili işlər naziri Ramil Usibov polisin ünvanına təhqiramiz ifadələr işlətmək iddiası ilə məhkəməyə verdiyi Ziyalılar Birliyinin sədri Eldəniz Quliyevə nazirin vəkili 1 il həbs cəzası verilməsini istəyib, proses hələ davam edir.

Avropa İttifaqı maliyyə nazirlərinin görüşündə bank sirrindən imtinanın 2017-ci ildən tətbiqi barədə razılığa gəlinib, ekspertlər bu razılığı “korrupsiyadan milyardlar qazananların ifşa olunacaqları” kimi dəyərləndiriblər.

Amerikalı politoloq Rusiya-Azərbaycan yaxınlaşmasının Əliyevlərin hakimiyyətinin qorunmasına hesablandığını bəyan ediblər.     

“Ekspress”  Qarabağ münaqişəsinin tənzimlənməsilə bağlı Azərbycan və Ermənistan dövlət başçılarının Paris görüşünün vaxtına az qalması mövzusunu ilk plana çıxarıb.

Qəzet ölkə bazarlarında kartofun 30%, kələmin 68%, pomidorun 38%, armudun 21%, göyərtinin  17% bahalaşdığını nəzərə çatdırır.

“Novoe Vremya”  ABŞ rəsmi strukturlarından gələn tənqidlərə daim PA-nın şöbə müdiri Novruz Məmmədovun adekvat olmayan cavablarına “Kim kimi? Novruz Məmmədov Dövlət Departamentinə qarşı” mövqeyini ifadə edir.

“Bizim yol”  Diaspor Komitəsinin sədri Nazim İbrahimovun qaynının həbsə alınması, qardaşı Sahib İbrahimovun binalarının əlindən alınaraq şərikinə verilməsi xəbərini önə çəkib.

Qəzet Bakı şəhəri istisna olaraq qalan yolların yerli icra hakimiyyətlərinin balansına verilməsini “nəqliyyat naziri Ziya Məmmədovun səlahiyyətlərinin böyüşdürülməsi” kimi dəyərləndirir.

Qəzet son 9 ayda narkotiklərin qanunsuz dövriyyəsilə bağlı 120 faktın aşkar oldunduğunu nəzərə çatdırır.

Valyuta məzənnələrində yaranan dəyişikliklərdən sonra Neft Fondunun zərəri ilk dəfə olaraq rekord həddə,yəni təqribən 1 milyard manata çatıb.

“Yeni Müsavat” Dağıstan prezidenti Ramazan Abdullatipovun və baş nazirin keçmiş müavini Abbas Abbasovun Dərbənddə azərbaycanlılara zülm etdiklərini ilk səhifəyə çıxarıb.

Siyasi fəaliyyətinə görə həbsə alınan və bu yaxınlarda əfv fərmanı ilə azadlığa çıxan Bəxtiyar Quliyev siyasi fəaliyyətdən geri çəkilmək barədə iradəsizliyini “mən çəkildim, məndən bu qədər” bəyanatını  səsləndirib.