Mətbuat-Monitorinq 21.12.12
Rəsmi qəzetlər dövlət başçısı İlham Əliyevin Qusar rayonuna səfərinə geniş yer veriblər. Bu qəzetlərdə bir sıra qanunlara dəyişikliklərlə bağlı fərmanların mətnləri dərc olunub. Ölkədə insan azadlıqlarının təmin olunmamasına baxmayaraq, “Xalq qəzeti “İnsan haqlarının qorunması dövlətin ali məqsədidir” adlı iki səhifəlik müsahibə-şərhlər dərc edib.
“Yeni Azərbaycan” qəzeti isə müxalifətə iftira olan yazılar verib.
“Azadlıq” qəzeti bir neçə aydır ki, ölkə gündəmini zəbt edən keçmiş rektor Elşad Abdullayevin yayadığı “deputatlıq rüşvəti” videolarında əsas fiqurlardan biri Sevinc Babayevanın aradan götürülməsi məsələsini manjetə çıxaıb.
Dünya Bankı Azərbaycan iqtisadiyyatı ilə bağlı hesabatında ölkə iqtisadiyyatının neft-qaz hesabına olan “qızıl dövrü”nün başa çatması bəyanatını səsləndirib.
Yol qəzasına görə həbsə alınan gənc müsavatçı Nigar Yaqublunun vəkilləri bu işin Avropa məhkəməsinə hazırlandığını bildirirlər.
“Qasid” mətbuat yayımı firmasının çökdürülməsinə hazırlığın getdiyini yazan qəzet firmanın qəzetə olan borcunun taleyinin qeyri-müəyyən qalmasına diqqət çəkir.
ABŞ-da Azərbaycanla bağlı keçirilən Foruma diqqət çəkən qəzet ABŞ ekspertlərinin “Azərbaycanda rejimlə yox, vətəndaş cəmiyyətilə işləməyin vaxtının çoxdan çatması mövqeyi ortaya qoyduqlarını nəzərə çatdırır.
Rəsmi Bakının və hökumətyönlü medianın bir ay öncə BP şirkətini kəskin tənqid etməsinə baxmayaraq, İlham Əliyevin bu şirkətlə güclü əlaqələr olması haqda bu günlərdəki bəyanatını qəzet “münaqişəni ört-basdır etməsi” adlandırır.
“Zerkalo” Rusiyanın Qəbələ RLS-dən getməsini “Rusiya Qəbələ RLS-də inventarlaşdırmanı başa çatdırdı” kimi təqdim edir və “bu stansiyanın Amerikaya da lazım olmadığı” mövqeyini sərgiləyir.
Ölkədə dəniz məhsullarının qiymətlərinin yüksək olduğunu yazan qəzet əhaliyə “balıq hamı üçün deyil” xəbərdarlığını edir.
“Ekspress” yazır ki, Qazaxıstanda azərbaycanlıların yaratdığı şiə dini icması yerli sünni dini idarəsinə qoşulmadığı üçün qeydiyyatı ləğv olunub.
2001-2010-cu illərdə Azərbaycandan kənara 4 milyard dollardan çox kapitalın çıxarılması haqda “Global Financial İntegrity”nin hesabatına yerli ekspertlər “bu hesabat reallığı əks etdirmir” mövqeyini bildiriblər.
“Novoe Vremya” ABŞ-da Azərbaycanla bağlı keçirilən Forumda ekspertlərin rejimlə yox, vətəndaş cəmiyyətilə işləmək mövqeyinin aparıcı olmasını “Qərbin Azərbaycana necə yanaşmağı başa düşməsi” adlandırır.
Beynəlxalq hesabatlarda demokratiyanın səviyyəsinə görə Azərbaycanın Afrika ölkələri ilə bir sırada olmasına qəzet “daha pisini düşünə bilməzsən” mövqeyini bildirir.
“Bizim yol” ekspertlərə istiinadən ölkənin məhkəmə sisteminin online şəffaflığının cəmi 30% təşkil etdiyini yazaraq bunu “məhkəmə saytlarının biabırçı mənzərəsinin üzə çıxması” adlandırır.
“Yeni Müsavat” iqtidardaxili çəkişmələrə toxunaraq, bu çəkişmələrin 2013-cü il seçkilərini təhdid etməsi qənatəini bildirir.
Qəzet “Azəryolservis”in yollarda qarı əritmək üçün 20 milyon manata 20 min ton duz almasını “20 milyon manatın “silinməsi”” kimi dəyərləndirir.
Ölkədə əfv fərmanının hazırlanmasına başlanılsa da xeyli siyasi məhbusun bundan yararlana bilməyəcəyi ehtimal olunur.
Dövlət başçısı İlham Əliyevin iqtisadiyyatın inkişafı və neft hasilatının artacağı bəyanatına ekspertlər “bunun belə olmadığını dövlət başçısı özü də yaxşı bilir” şərhini veriblər.
-
- Cəmiyyət
- 20 Dekabr 2012 18:36
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz