Rəsmi qəzetlər Berndə Azərbaycan və Ermənistan dövlət başçılarının görüşü barədə xəbərləri, Əziz Əliyev adına Həkimləri Təkmilləşdirmə İnstitutunun əməkdaşlarına fəxri adların verilməsi barədə sərəncamın mətnini ilk səhifələrdə yerləşdiriblər.
“Azadlıq” qəzeti MTN-in keçmiş polkovniki İlqar Əliyevin özünü Kürdəxanı təcridxanasında asmasını manjetə çıxarıb.
AXCP sədri Əli Kərimli Müdafiə Nazirliyi mətbuat xidmətinin keçmiş rəhbəri Eldar Sabiroğlunun oğlu Rüfət Eldaroğlunun müstəntiq vəzifəsindən istefa verərək bəyanatındakı “ölkədə hüququn yox, hüquqsuzluğun üstünlüyü var, azadlıq adına ancaq “ölmək azadlığı” var” ifadələrini “müstəntiqin rejimə ittihamnaməsi” adlandırıb.
ABŞ Konpresində “Azərbaycanda Demokratiya Aktı” layihəsinin müzakirəyə çıxarılması hazırlıqlarını Çexiya mediası “siyasi müxalifətin, müstəqil mətbuatın, dini azlıqların əzilməsinə ABŞ-ın güzəşt etməyəcəyi” kimi dəyərləndirir.
ABŞ-da yaşayan jurnalist Ələkbər Raufoğlu ABŞ-da rəsmi Bakını müdafiə üçün manipulyasiya imkanı qalmadığını bəyan edərək sanksiyalardan qaçmağın yeganə yolu kimi demokratiik islahatlara başlamağı göstərib.
İrihəcmli kredit qalmaqallarına görə həbs edilən Beynəlxalq Bankın keçmiş rəhbəri Cahangir Hacıyev Kürdəxanı təcridxanasına köçürülüb.
Ukrayna və Gürcüstanın Avropa Birliyi ilə vizasız rejimə keçməsinə rəsmi Bakının “dövlət müstəqilliyinə təhdid, dövlətin təsir altına düşmək” dəyərləndirməsini qəzet “düşük arqument” kimi şərh edir.
AXCP sədri Əli Kərimli Avroatlantika məkanına inteqrasiya prosesində Gürcüstanın uğurlarının rəsmi Bakının xalqı nə qədər geriyə saldığının aydın göstərdiyi kimi qiymətləndirib.
Avropa Birliyi ilə əməkdaşlıqda Azərbaycanın Ukrayna və Gürcüstandan geri qalmasını siyasilər “dövlət maraqlarına, ölkənin imicinə zərbə” sayıblar.
Neft gəlirlərinin azalması ilə Neft Fondunun dövlət büdcəsi qarşısında öhdəliyini icra edə bilməməsinə ekspertlər “büdcənin “təhlükəsizlik yastığı” olan Fondun “belə yastığa ehtiyacı olması” yanaşması sərgiləyiblər.
Danimarkanın məşhur investisiya bankı “Saxo Bank” Azərbaycan manatının hazırda devalvasiya təhlükəsi altında olduğunu bəyan edir.
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz