Mətbuat-Monitorinq 22.01.13

Rəsmi qəzetlər mərhum dövlət başçısı Heydər Əliyevin 90 illik yubileyinin qeyd olunması ilə bağlı indiki dövlət başçısı İlham Əliyevin sərəncam imzaladığını yazır. Bundan əlavə, bu qəzetlər fəal vətəndaş mövqelərinə görə tanınan ziyalı və ictimai xadim Rüstəm İbrahimbəyov, hüquq müdafiəçisi Leyla Yunus və politoloq Eldar Namazovun haqqında böhtan və iftira dolu yazılar dərc ediblər. 

“Azadlıq” yazır ki, PA rəhbəri Ramiz Mehdiyev iqtidarda ona hücum edənlərə 2005-ci il hadisələrini xatırladıb.

12 yanvar aksiyasında iştiraka görə yüksək cərimə cəzası alan gənclərin cərimələrini ödəmək üçün başlanan “5 qəpik” kampaniyası başa çatıb, 12 min manatdan çox pul yığılıb. 

Gəncə şəhər polis rəisi, general-mayor Rasim Musayev vəzifədən azad edilib. 

“Binə” Ticarət Mərkəzində hüquqlarını müdafiə edən sahibkarların barəsində həbs qərarını hüquqşünaslar “dövləti həyasızlıq” kimi şərh ediblər. 

Qəzetə şərh verən ekspertlər ölkədə vətəndaş müharibəsinin yetişdiyi barədə xəbərdarlıq edirlər. 

“Binə” Ticarət Mərkəzinə yaxın “Sədərək” Ticarət Mərkəzində də etiraz aksiyasına hazırlıqlar başlayıb. 

“The National İnterest” jurnalı Azərbaycandakı ictimai-siyasi duruma “Azərbaycanı təlatümlü il gözləyir” qənaətini ifadə edib. 

Daxili işlər naziri Ramil Usubovun bu günlərdəki əməliyyat müşavirəsində “ölkədə insan haqlarının pozulması hallarının azalması” bəyanatını hüquq müdafiəçiləri “lətifə” adlandırıblar. 

“Zerkalo” “Binə” Ticarət Mərkəzində sahibkarların qanunsuz haqqlara etiraz olaraq aksiya keçirdiklərini yazaraq cəmiyyətə “siyasətlə məşğul olmayanların etiraz aksiyasını daha nə ilə izah etmək olar?” sualını ünvanlayır. 

“Ekspress” ekspertlərə istinadən ermənilərin Xocalı aerportunu işə salmaq cəhdlərini “aeroport ixtilafının savaşa aparması” kimi dəyərləndirir. 

“Exo”. Bakı metropoliteninin rəhbərliyi yeni metro xətlərinin yolu üstə olan ev sahiblərini təklif edilən kompensasiyalara dərhal razılaşmağa çağırıb. 

Vətəndaş cəmiyyəti institutlarının təmsilçiləri “Binə” hadisələri” ilə bağlı qəzetə şərhlərində vergi orqanları və İqtisadi İnkişaf Nazirliyini ittiham ediblər. 

“Novoe Vremya” prezident seçkilərini müşahidə üçün bu il Azərbaycana xarici ölkə təmsilçilərinin səfərlərinin artacağını qeyd edir və bu  səfərlərin seçkilərin demokratikliyinə nə dərəcədə təsir göstərəcəyi sualını ortaya qoyur. 

Qəzet “Binə” Ticarət Mərkəzində sahibkarların etiraz aksiyasına görə həbsləri “iqtidarın əsl simasını göstərməsi” kimi dəyərləndirib. 

“Bizim yol” “Binə” Ticarət Mərkəzində sahibkarların etiraz aksiyası keçridiklərinə görə həbslərinə cavab olaraq “Binə” və “Sədərək” Ticarət mərkəzlərində yeni aksiyaya hazırlıqların başlandığını yazır. 

Amnesty İnternational təşkilatı qeyri-səmimiliyinə görə hüquq müdafiəçisi Eynulla Fətullayevlə əməkdaşlığa son qoyub. 

“Yeni Müsavat”. Yanvarın 13-də Lənkərana səfəri zamanı sui-qəsdə məruz qalan Müsavat Partiyasının başqanı İsa Qəmbər və partiya nümayəndə heyəti rayon ictimaiyyətinin dəvətilə bu həftə rayona yenidən səfər edəcəklər.  

Tanınmış ziyalı və ictimai xadim Rüstəm İbrahimbəyov “EL” təşkilatçılarının yeni yaradılan hərəkatı bu yaxınlarda elan edəcəklərini bildirib. 

“Texnikabank”ın İdarə Heyətinin keçmiş sədri Samir Hüseynov və Polad adlı şəxs bir neçə gün öncə MTN tərəfindən həbsə alınıb.