![Elşad Abdullayevin yeni videosu DİN-də mütəşəkkil cinayətkar qrupların olmasından xəbər verir](https://turan.az/resized/media/2013/main/012200025427-750-500-resize.webp)
Elşad Abdullayevin yeni videosu DİN-də mütəşəkkil cinayətkar qrupların olmasından xəbər verir
İnternetdə Beynəlxalq Universitetin keçmiş rektoru Elşad Abdullayevin yeni videosu yayımlanıb. Videonun süjeti əvvəlkidir – onun oğurlanmış qardaşı, MTN-in zabiti Mahir Abdullayevin taleyi. Materialdakı yenilik ondan ibarətdir ki, oğurlayanlara vasitəçilik edən şəxs ortaya çıxır və oğurlanmış adamın taleyi ilə bağlı danışıqlar apardığını gizlətmir. Bu, Arzu Kazımov adlı sahibkardır (hazırda cinayətə bağlılıqda ittiham olunaraq həbsdədir).
A.Kazımov bildirib ki, M.Abdullayevin azad edilməsi üçün pulu alıb və çatdırıb. Lakin prosesi sürətləndirmək üçün heç nə edə bilməz. Həmçinin deyib ki, vəsait daxili işlər nazirinin birinci müavini Zahid Dünyamalıyeva çatdırılıb, ancaq ondan çox az şey asılıdır və gözləmək lazımdır.
Bu danışıqlar M.Abdullayevin qaynatası Şamil Şahməmmədovu (uzun illər AzərTac-a rəhbərlik edib) hiddətləndirib. O qəzəblə deyib ki, bağını sataraq pulu ödəyib, başqa bir şeyi qalmayıb və üstəlik indiyədək bilmir ki, Mahir sağdır, ya yox?
Əvvəlki videoda olduğu kimi, bu video da oğurlanma hadisəsindən 7 ay sonra E.Abdullayevin kabinetində çəkilib.
Keçmiş rektor bildirib ki, bu video DİN-in tərkibində mütəşəkkil cinayətkar qrupun olduğunu təsdiqləyir və Arzu Kazımov onların nümayəndəsi olub.
Xatırladaq ki, DİN-də digər bir mütəşəkkil cinayətkar qrupa polkovnik Hacı Məmmədov rəhbərlik edib. Bu qrup 10 ildən çox müddətdə adamların oğurlanaraq qətlə yetirilməsi ilə məşğul olub. Qrup ifşa edildikdən sonra məlum olub ki, DİN Cinayət-Axtarış İdarəsinin rəisi və daha bir neçə yüksək vəzifəli zabitin həmin cinayətlərdə əli olub.
Bütün bu qalmaqallara baxmayaraq, DİN rəhbəri Ramil Usubov kənarda qalır.
Qeyd edək ki, Hacı Məmmədovla qalmaqal başlananda (2005-ci il) nazir gözlənilmədən telekanallardan birinə çıxaraq bildirmişdi ki, bəzi təhlükəli cinayətkarlar Heydər Əliyevin əmri ilə buraxılıb. Bu bəyanat bir çoxları tərəfindən R.Usubovun susmayacağı və bütün bu günahların onun üzərinə qoyulmasına imkan verməyəcəyi barədə xəbərdarlığı kimi qarşılanmışdı.
R.Usubov növbəti dəfə belə bəyanat verəcəkmi? Bunu zaman göstərəcək. -02V-
-
- Cəmiyyət
- 22 Yanvar 2013 11:03
-
- İqtisadiyyat
- 22 Yanvar 2013 11:22
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz