!["Mərhələ-2"nin həyata keçməsi ləngiyə bilər](https://turan.az/resized/media/2013/main/012200025431-750-500-resize.webp)
"Mərhələ-2"nin həyata keçməsi ləngiyə bilər
Nabucco Gas Pipeline International GmbH-in icraçı direktoru Reynhard Mitçek Nabucco qaz kəməri layihəsinin səhmdarları ilə "Şahdəniz" üzrə tərəfdaşlar (SOCAR, BP, Statoil və Total) arasında əməkdaşlıq sazişi və maliyyələşmə və sahiblik sazişinin imzalanmasını alqışlayıb və qeyd edib ki, tərəflər arasında sıx əməkdaşlıq 2012-ci ilin iyunundan davam edir.
Nabucco Gas Pipeline International GmbH-nin məlumatında deyilir ki, "bu vacib nailiyyət bu prosesin potensial uğurunun, həmçinin Nabucco West-in Cənub-Şərqi və Mərkəzi Avropanın çox şey vəd edən bazarlarında biznes imkanı təklifi nöqteyi-nəzərindən kommersiya cəlbediciliyi və rəqabət qabiliyyətinin göstəricisidir".
Xatırladaq ki, “Şahdəniz” layihəsinin əsas tərəfdaşları ilə Nabucco qaz kəməri layihəsinin səhmdarları arasında sənədlər 18 yanvarda Vyanada imzalanıb.
Mitçekin bəyanatını Turan agentliyi üçün şərh edərkən Caspian Barrel Neft Araşdırmaları Mərkəzində qeyd ediblər ki, imzalanan sənədləri Azərbaycanın öz qazını Avropaya nəql etməsi üçün bu ilin ortalarında Nabucco West-i əsas marşrut kimi seçməsi yolunda uğur hesab etmək üçün əsas vermir.
Əvvəla, c-b Mitçek özü etriaf edib ki, “Şahdəniz” layihəsinin tərəfdaşları ilə danışıqlar 2012-ci ilin iyununda başlayıb. Praktik olaraq eyni vaxtda Transadriatik qaz kəməri (ТАР) səhmdarları ilə də danışıqlar başlayıb. Amma “Şahdəniz”lə TAP arasında maliyyələşmə və sahiblik, eləcə də TAP əsas marşrur seçilsə, potensial investorlara layihədə 50% pay hüququ verilməsi barədə saziş 9 avqust 2012-ci ildə imzalanıb. Nabucco səhmdarları danışıqlar prosesini 8 ay uzadıb. Nəticədə çoxlu vaxt itirilib, amma ТАР çərçivəsində iş görülüb, yəni bütün zəruri layihə-hesablaşma məlumatları dəqiqləşdirilib və “Şahdəniz” tərəfdaşları bu layihə ilə müfəssəl tanış olublar.
İkincisi, Nabucco West layihəsi üzrə işdə mütləq intizamsızlıq olur: bu konsorsium tərkibində nəsə baş verir, bu isə işi vaxtında başa çatdırmağa mane olur. Ona görə inanmaq çətindir ki, qalan qısa müddətdə boru kəməri üzrə nəzərdə tutulan bütün işlər başa çatdırılsın.
Üçüncüsü, yeni məlumatların layihələndirilməsi və analizi üçün, eləcə də bütün materialın kommersiya cəhətdən müqayisəsi, nəhayət, marşrut seçimi üçün yekun qərarın verilməsi üçün 2013-cü ilin iyunu çox tezdir. Nəzərə alsaq ki, “Şahdəniz” layihəsi səhmdarlarının “Mərhələ-2” layihəsinin bu ilin iyununda təsdiqi imkanı ilə bağlı şübhəsi yaranıb, marşrut seçiminin gecikməsini gözləmək olar. Çünki bu kəmərlərin (TAP və ya Nabucco West) resurs bazası məhz “Mərhələ-2” layihəsi çərçivəsində çıxarılan qaz olacaq.
* Mərhələ-2” layihəsi çərçivəsində ilk qazın 2017-ci ilin sonu üçün çıxarılması nəzərdə tutulur. Bu layihə çərçivəsində Azərbaycan qazının Avropaya tədarükü 2018-ci ilin II rübündə gözlənilir. --12А—
-
- Cəmiyyət
- 22 Yanvar 2013 11:31
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz