Rəsmi və iqtidaryönlü qəzetlər dövlət başçısı İlham Əliyevin yenidən öz postunda qalması münasibətilə ayrı-ayrı dövlətlərdən gələn təbrikləri ilk səhifələrə yerləşdiriblər.
“Azadlıq” qəzeti bağlanma təhlükəsi qarşısında qaldığı üçün qəzet rəhbərliyi bu gün mətbuat konfransı keçirəcək.
Azərbaycanda keçirilmiş prezident seçkilərinin nəticələri Böyük Britaniya parlamentində müzakirəyə çıxarılacaq.
Rəsmi Bakı paytaxtda kütləvi aksiyaların qarşısını almaq üçün prezident seçkilərinin təbliğat mərhələsində Milli Şuranın aksiyalar keçirdiyi “Məhsul” stadionunu “təmir”ə dayandırır.
Politoloqlar siyasi mahiyyətli məhkəmə proseslərinin seçkilərdən dərhal sonra başladılmasını “iqtidarın seçkini gündəmdən çıxarmaq planı” kimi şərh edirlər.
İlham Əliyevin korrupsiyaya və rüşvətə qarşı qəti mübarizə aparacağı bəyanatına ekspertlər “İ.Əliyev səmimi mübarizə aparırsa, ilk növbədə özünün gəlir deklarasiyasını ortaya qoysun” cavabı veriblər.
Politoloqlar İ.Əliyevin quracağı yeni hökuməti “köhnə hökumətin kosmetik dəyişikliyə uğramış variantı” adlandırıblar.
Keçmiş rektor Elşad Abdullayevin yaydığı “deputat mandatı alveri” video-materialına görə həbsə alınan keçmiş deputat Gülər Əhmədovanın məhkəməsi başlayıb, müttəhim prokurorluqda işgəncələrə məruz qalması haqda danışıb.
“Zerkalo” qəzeti rəsmi Bakının Avropa İttifaqından özünə “xüsusi münasibət” tələb etməsini önə çəkərək, buna “amma, çətin ki, kimsə bunu ağlabatan şəkildə izah edə bilər” şərhi verir.
“Ekspress” qəzeti nazir müavini Araz Əzimovun Qarabağ probleminin həllində ATƏT-in roluna dair “1997-ci ildən bu yana onlardan situasiyanın dəqiq dəyərləndirilməsini almaq mümkün olmayıb” bəyanatını ilk səhifəyə çıxarıb.
“Exo” qəzeti ölkədə yolların salınmasına, bərpasına ÜDM-in 10%-nin məsrəf edildiyini yazaraq, ekspertlərə isnadən buna limit qoyulması zərurətini irəli sürür.
Ekspertlər ölkə yollarında hər 1000 maşına 1,2 ölüm halı düşdüyü üçün Azərbaycanın “yol qəzaları ölkəsi” adlandırılmasını doğru saymırlar.
Ölkədə mənzil tikintisinin 40%-nin əhalinin vəsaitləri hesabına tikildiyini yazan qəzet son 4 ildə bu göstəricinin 2 dəfə azaldığını nəzərə çatdırır.
“Novoe Vremya” qəzeti “Sunday Times” qəzetinin 20 oktyabr sayına isnadən Böyük Britaniya xüsusi təyinatlılarının Azərbaycanda həmkarlarına gizli təlimər keçdiklərini, bu təlimləri BB XİN-in maliyyələşdirdiyini yazır.
“Bizim yol” qəzeti diabet xəstələrinin müalicəsilə bağlı dövlət büdcəsindən milyonlar ayrılsa da, bu dərmanların xəstələrə çatmamasına diqqət çəkir.
“Yeni Müsavat” qəzeti məhkəməsi başlayan keçmiş deputat Gülər Əhmədovanın öz həbsinə “məni şərləyiblər” mövqeyi ifadə etməsini ilk plana çıxarıb.
Müxalif qüvvələrin keçmiş prezidentliyə namizədi Cəmil Həsənli rejimin dəyişməsi uğrunda mübarizənin davam edəcəyi bəyanatı səsləndirib. Müxalif qüvvələr Milli Şuranın gücləndirilməsini əsas sayaraq, İctimai Palatanın buraxılmasını gündəmə gətiriblər.
Deputat Vahid Əhmədov yeni hökumət qurulması məsələsinə toxunaraq, yeni hökumət tərkibində dəyişikliklər kimi gözləntisi olduğunu açıqlayıb.
“Bakı Xəbər” qəzeti Moskva meri Sobyaninin “harada bazar var, orada kriminal miqrant var” bəyanatını “miqrantları daha qorxunc təhlükələrin gözləməsi” kimi dəyərləndirir.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz