Tbilisi/22.10.13/Turan-BS PRESS: Ermənistan, Gürcüstan və Moldova enerji səmərəliliyi və ətraf mühit üzrə Şərq Tərəfdaşlığına (Eastern Europe Energy Efficiency and Environment Partnership, E5P) qoşulublar, bu barədə Avropa Komissiyasının məlumatında deyilir.
Eyni zamanda beynəlxalq donorlar birliyi bu tərəfdaşlığın fondunu 70 milyon avro artırmağı qərara alıb.
Donorlar Aİ ölkələri, habelə İslandiya, Norveç, Ukrayna, ABŞ, indi isə həm də Ermənistan, Gürcüstan və Moldovadır. İanələr sonradan xüsusən milli səviyyələrdə və beynəlxalq institutların, xüsusən AİYB, AİB, Dünya Bankı qrupunun vəsaitlərinin cəlb edilməsi sxemlərində istifadə olunacaq. 2009-cu ildə təklif edilmiş fondun ilk iş fokusu Ukrayna idi.
“Əlavə maliyyə vəsaiti bizə əhali üçün sabit və əlverişli isitmənin təmin edilməsi və suyun keyfiyyətinin yaxşılaşdırılması üçün Ukrayna bələdiyyələrini dəstəkləmək imkanı verir. Şadam ki, Ermənistan, Gürcüstan və Moldova tərəfdaşlığa qoşulmağı qərara alıblar”, deyə məlumatda Avropa Komissarı Stefan Füledən sitat gətirilir. AK bu üç ölkəyə bələdiyyələrin enerji səmərəliliyi üzrə layihələrin layihələşdirilməsi üçün 30 milyon avroya qədər vəsait ayırmağa hazırdır.
Şərq Tərəfdaşlığı ölkələri energetika sahəsində mürəkkəb şərtlərlə qarşılaşır. Onların əksəriyyəti bahalı idxal qazdan ciddi şəkildə asılıdır. Onlar Aİ ölkələrinə nisbətən, orta hesabla 3 dəfə daha çox enerji sərf edir. -02D-
İqtisadiyyat
-
Azərbaycan Prezidenti İlham Əliyev, 16 dekabr 2024-cü il tarixində qəbul edilmiş 98-VIIQD saylı Qanuna uyğun olaraq, ölkənin Vergi Məcəlləsinə dəyişikliklər edilməsi məqsədilə bir sıra prezident fərmanlarına dəyişikliklər edilməsi haqqında fərman imzalayıb. Bazar ertəsi gün yayımlanan fərman, müxtəlif mallar və xidmətlər üzrə vergi geri qaytarılmasının sadələşdirilməsi və əlavə dəyər vergisinin (ƏDV) geri qaytarılma qaydalarının təkmilləşdirilməsini hədəfləyən əhəmiyyətli dəyişikliklər gətirir.
-
SOCAR Türkiyə Enerji A.Ş. (STEAS), Azərbaycan Dövlət Neft Şirkəti SOCAR-ın Türkiyədəki törəmə şirkəti, Türkiyədə etilen, polietilen və polipropilen (poliolefin) istehsalı üzrə yeni obyektlərin tikintisi üçün iddialı planlarını açıqladı. Bu təşəbbüs Türkiyənin poliolefin məhsullarına olan tələbatının 90%-ə yaxınını idxalla təmin etdiyi bir dövrdə həyata keçirilir.
-
Azərbaycanın turizm sənayesi 2024-cü ildə pandemiyadan sonrakı bərpa və strateji hökumət təşəbbüsləri sayəsində əhəmiyyətli artım yaşayır. 2024-cü ilin yanvar-noyabr ayları ərzində ölkə 2.412 milyon xarici turisti qəbul edib ki, bu da 2023-cü ilin eyni dövrü ilə müqayisədə 27% çoxdur. Proqnozlara görə, ilin sonuna qədər ümumi ziyarətçi sayı 3 milyona çata bilər ki, bu da sektorun təsirli inkişaf trayektoriyasını vurğulayır.
-
2024-cü ilin ilk 11 ayında Azərbaycanın istehlak bazarı davamlı artım nümayiş etdirdi və mallar və xidmətlərin ümumi dəyəri 67,4 milyard manat təşkil etdi ki, bu da 2023-cü ilin eyni dövrü ilə müqayisədə 4,8% çoxdur. Bu artım Azərbaycanın qlobal və daxili çağırışlara uyğunlaşmağa davam edən iqtisadiyyatının dayanıqlılığını vurğulayır.
Rəy yaz