Mətbuat-Monitorinq 22.10.14

Rəsmi qəzetlər dövlət başçısı İlham Əliyevin Litvanın xarici işlər nazirini qəbul etməsi haqda xəbəri, İqtisadiyyat və Sənaye Nazirliyinin bir qrup əməkdaşının fəxri adlar və dövlət mükafatları ilə təltif etməsi, Gəncə şəhərinin sosial- iqtisadi inkişafı və Gəncəni bəzi şəhərətrafı qəsəbələrə bağlayan yolların təmiri üçün üst-üstə 10 milyon manatın ayrılması haqda sərəncamlarının mətnlərini ilk səhifələrdə dərc ediblər.

“Azərbaycan” qəzeti isə dünənki sayından etibarən həbsdə olan hüquq müdafiəçsisi Leyla Yunusu aşağılayan yazıların dərcinə  start verib.  

“Azadlıq” qəzeti Vaşinqtonda Azərbaycanda insan hüquqlarının vəziyyətinin müzakirə olunacağı xəbərini ilk səhifəyə çıxarıb.

Siyasi fəaliyyətinə görə narkotik maddə ittihamı ilə həbsə alınan AXCP üzvü Murad Ədilov nəhayət ki saxlandığı Kürdəxanı təcridxanasında 3 aydan sonra yaxınları ilə görüşə bilib.

Siyasi ekspertlər son zamanlar rəsmi Bakının Rusiyaya yaxınlaşmasına “bu seçimin xalqın strateji maraqları ilə yox, İlham Əliyev və ətrafının hakimiyyət maraqları ilə bağlı olması” şərhini veriblər.

Fransanın “Le Monde” qəzeti Azərbaycandakı siyasi repressiyalara görə Qərbi “repressiyalara məruz qalan adamların müdafiəsini təmin edə bilməməkdə” ittiham edib.

Ekspertlər bu ilin 9 ayı ərazində Neft Fondunun vəsaitlərinin idarə olunmasından əldə edlilən gəlirlərin təqribən 48% azaldığını bildirirlər.  Eksprtlər ölkədəki iqtisadi durumu dəyərləndirərək yeni il öncəsi qiymətlərin qalxacağı barədə xəbərdarlıq edirlər.

“Ekspress”  Azərbaycanın baş pediartının bananın ebola virusu daşıyıcısı olması haqda bəyanatını ilk səhifəyə çıxarıb.

Qəzet bu ilin 9 ayında dəm qazından 90 nəfərin öldüyünü, 356 nəfərin müxtəlif dərəcəli bədən xəsarəti aldığını nəzərə çatdırır.

“Exo”  2005-213-cü illərdə ölkədə 33,2 min ədəd kondisionerin istehsal olunması, yerli istehsalın tələbatın ancaq 7,8%-nin ödəməsini ilk plana çəkir.

Qəzet rəsmi mənbələrə istinadən ölkədə uşaqlara qarşı zorakılıqla bağlı 570 cinayətin baş verdiyini yazır.       

“Novoe Vremya”  Mərkəzi Seçki Komissiyasının (MSK) bələdiyyə seçkilərinin vaxtını açıqlaması fonunda bu qurumun ədalətli seçkilər keçirməməsinə “seçkilərdə saxtalaşdırmaya start verildi?” mövqeyini ifadə edir.

“Bizim yol”  ebola virusunun Azərbaycan sərhədlərinə yaxınlaşdığı üçün Gömrük Komitəsinin gücləndirilmiş iş rejiminə keçməsini önə çəkərək bunu “Azərbaycan sərhəddində ebola həyəcanı” adlandırır.

“Yeni Müsavat”  Azərbaycanın baş pediatrının bananda ebola virusunun olması haqda açıqlamasını ilk səhifəyə çəkərək bunu Azərbaycanda “banan inhisarı”nın sahibi Bəylər Əyyubova zərbə adlandırır.

Deputat Əsabil Qasımovun ona məxsus “Karat” holdinqində komendant işləyən Rövşən Hacıyevi həbs etdirməsinə cavab olaraq komendantın yaxınları deputatı 10 milyon manatlarla ölçülən vergidən yayınmaqda ittiham ediblər.