Mətbuat-Monitorinq 22.11.14

Rəsmi qəzetlər dövlət başçısı İlham Əliyevin Avropa Olimpiya Komitəsini Bakıda keçirilən 43-cü Baş Assambleyasının rəsmi açılışında iştirakını ilk səhifələrə yerləşdiriblər.

Bundan əlavə, bu qəzetlərdə Gəncə avtomobil zavodu işçilərinin bir qrupunun “Tərəqqi” medalı ilə təltif olunması, Fəxrəddin Süleymanovun “əməkdar mühəndis” fəxri adı alması haqda dövlət başçısının verdiyi sərəncamların mətnləri dərc edilib.

“Azadlıq” qəzeti bu günlərdə motosikletçi bir qrupun daxili işlər naziri Ramil Usubovun getdiyi yola çıxmasına cavab olaraq nazirin əmrilə “motosiklet ovu” başlamasını ilk səhifəyə çıxarıb.

“Şərq Tərəfdaşlığı” Vətəndaş Cəmiyyəti Forumunun Batumidəki tədbirində Azərbaycan nümayəndə heyəti üzvləri davranışlarına görə səsvermə hüququndan məhrum edilib, izahat verənə kimi səsəvermə hüququ bərpa edilməyəcək.

Müxalif siyasətçilər YAP-ın 22 illik iqtidarlıq dövrünü “ölkədə korrupsiya və rüşvətin dövlət siyasətinə çevrilməsi dövrü” kimi dəyərləndiriblər.

Rəsmi Bakının siyasi fəaliyyətlələrinə görə müxalif  siyasətçilərin övladlarını həbsə almasına ictimai fəallar “stalinizmin çirkin təcrübəsinin Azərbaycanda davam etməsi” reaksiyası sərgiləyiblər.

Müstəqil QHT və KİV-lərin təzyiqə məruz qaldığı indiki vaxtda ədliyyə naziri Fikrət Məmmədovun ölkədə 4 mindən çox QHT, 5 minə yaxın KİV-in fəaliyyəti haqda açıqlamasına ekspertlər “nazir hansı ölkədən danışır?” sualı ünvanlayıblar.

Azərbaycan Beynəlxalq Bankının Moskva filialını RF Mərkəzi Bankının çirkli pulların yuyulması haqda qanunu pozmaqda ittiham etməsini qəzet rəsmi Bakının Kremlə maliyyə yardımı vədindən boyun qaçırması isə əsaslandırır.

“Ekspress” qəzeti uşaq doğuşunda “qeysəriyyə” əməliyyatının artmasını “təhlükəli tendensiya” sayaraq ilk yerə çıxarıb.

Qəzet Ailə, Qadın və Uşaq Komitəsinin 8 erkən toyun qarşısını alması haqda açıqlamasını nəzərə çatdırır.

Deputat Fazil Mustafa Azərbaycanda başqa ölkələrdə olmayan spesifik-qudurğanlığın törətdiyi yol qəzaları haqda açıqlama verib.

“Novoe Vremya” qəzeti Rusiyanın Ukraynada başladığı müharibəyə “Vaşinqtonun geosiyasi qazancına görə Ukrayna xalqı ilə haqq-hesab çəkilməsi” kimi ruspərəst mövqeyini diqqət mərkəzinə çəkib.

“Bizim yol” qəzeti yeni əfv fərmanı hazırlanmasına hazırlıq getməsi iddiasını önə çəkib.

Qəzetin iddiasına görə, gələn il Avropa Olimpiya Oyunları ilə bağlı paytaxtadakı ali məktəblərin, ticarət mərkəzlərinin, sənaye müəssisələrinin şəhərdən kənara köçürülməsi prosesi başlayacaq.

Həbsdə olan “Xural” qəzetinin redaktoru Əvəz Zeynallının səhhəti qəfil pisləşib, ailə üzvləri onun ciddi müalicəyə ehtiyacı olduğunu bildirirlər.

“Yeni Müsavat” qəzeti “İŞİD” terror qruplaşmasına qoşulmaq istəyən vətəndaşlara qarşı mübarizəni gücləndirmək üçün rəsmi Bakının “Anti-İŞİD” qrupu yaratması iddiasını ön plana çıxarıb.

Nəqliyyat nazirinin avtomobil nömrələrinin açılmasını qadağan edən əmri olmasına baxmayaraq, belə hərəkətlərə yol verən 31 müfəttiş vəifəsindən azad edilib.