![Mətbuat-Monitorinq 22.12.12](https://turan.az/resized/750/500/resize/media/2012/main/122200022456.jpg)
Mətbuat-Monitorinq 22.12.12
Rəsmi qəzetlər dövlət başçısı İlham Əliyevin Bakıda “Azəryol” klubunun inzibati binasının, voleybol meydançasının və otelinin açılışında iştirak etdiyini yazır.
Bu qəzetlərdə 2013-17-ci illərdə rəsmi statistikanın inkişafı proqramının mətni dərc edilib.
“Azadlıq” qəzeti keçmiş rektor Elşad Abdullayevin qardaşı Mahir Abdullayevi girovluqdan azad tmək üçün YAP-ın əsas fiqurlarından Siyavuş Novruzuvon iş birliyi təklif etməsi, qohumu olan MTN-in şefi Eldar Mahmudovun vasitəsilə azad olunması təklifi haqda açıqlamalar verdiyini bildirir.
Böyük Britaniya partamentində Azərbaycanda insan haqları ilə bağlı dinləmələrə toxunan qəzet parlament üzvü Helen Goodmanın Bakıda İlham Əliyevin böyük plakatlardakı təsvirini “timsah təbəssümü”nə bənzətdiyini bildirir.
Qəzet yazır ki, Zyiyalılar Forumunun təmsilçiləri YAP funksioneri Siyavuş Novruzovun cəmiyyət əleyhinə açıqlamalarına “iqtidarın ifşası baxımından böyük rol oynaması” şərhini veriblər.
Göyçayda 3 aydır ki, müəllimlərin maaşının 1%-i müdafiə fonduna yardım adı ilə kəsilir.
“Zerkalo” Rusiya-Azərbaycan münasibətlərinin kəskinləşməsinə “biz “iradəmiz əleyhinə” avroatlantik məkanın maraq dairəsinə daxil olduq” şərhini verir.
“Ekspress”. Deputat Gövhər Baxşəliyeva YAP-çı deputat Siyavuş Novruzovun mədəniyyət haqqında fikrilərini “naşılıq” kimi dəyərləndirib.
“Exo”. Azərbaycanın adı ABŞ səfirlikləri ətrafında vəziyyətin izlənilməsi nəzərdə tutulan 17 ölkə siyahısına daxil edilib.
“Novoe Vremya” rəsmi Tbilisinin “Bakı-Tbilisi-Qars” dəmir yolu layihəsinə yenidən baxacağı haqda bəyanatına “Gürcüstan Bakı-Tbilisi-Qars” layihəsindən imtina edə bilər?” şübhəsini ifadə edir.
Milli Məclis Bakının tərkibində Pirallahı rayonunun yaradılması haqda qərar qəbul edib.
“Bizim yol” yazır ki, deputat Qüdrət Həsənquliyev “məmurlar çoxalır, onların saxlanması xalqın üzərinə qoyulur” arqumentlərilə Bakının tərkibində yeni Pirallahı rayonunun yaradılmasına qarşı çıxıb.
Penitensiar Xidmətdə baş verən hərc-mərcliyin sübutu kimi hüquq müdafiəçisi Arzu Abdullayeva həbsdə olan keçmiş nazir Fərhad Əliyevlə bir neçə ay öncəki görüşdə çay vasitəsilə zəhərlədildikləri barədə bəyanat verib.
“Yeni Müsavat” Gürcüstanın baş nazirinin Bakı-Tbilisi-Qars dəmir yolu layihəsinə yenidən baxıla biləcəyi bəyanatını “İvanişvilidən Azərbaycana 1,5 milyardlıq təhdid” adlandırır.
Qəzet Türkiyənin tikinti maqnatı Əli Ağaoğluna Bakıda biznes imkanının yaradıldığını və keçmiş Zabitlər Evinin yerində rezidensiya tikdirdiyini yazır.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz