Kerrinin nominasiyası Azərbaycan üçün nə deməkdir?
Cümə günü ABŞ prezidenti Barak Obama senator –demokrat, Senatın Xarici Məsələlər üzrə Komitəsinin sədri Con Kerrinin ABŞ-ın yeni dövlət katibi postuna namizədliyini rəsmən irəli sürüb. Onun namizədliyi təsdiqlənmək üçün Senatda baxılmalıdır. Əgər bu, baş verərsə, Kerri bu postda qalmaq istəmədiyini bəyan edın Hillari Klintonu əvəzləyəcək.
Amerika Erməni Milli Komitəsi Kerrinin təyinatını alqışlayaraq onu “erməni məsələsinin çoxdankı tərəfdarı” adlandırıb. Komitənin bəyanatında senator Kerrinin ABŞ-ın “erməni soyqırımı”nı tanımaq məsələsində əməkdaşlıq cəhdləri, Ermənistan-Amerika əlaqələrinin möhkəmləndirilməsi, Dağlıq Qarabağın təhlükəsizliyinin təminatı əksini tapıb.
Massaçusets ştatından olan 69 yaşlı Kerri Vyetnam müharibəsinin veteranıdır, 2004-cü ildə Demokrat Partiyasından prezident postuna namizəd olub. 1990-cı ilin əvvəllərində Senatda ABŞ-ın Azərbaycana yardımını məhdudlaşdıran Azadlıq Aktına 907-ci düzəlişin qəbulunu fəal dəstəkləyib.
Son illər Kerri Konqresin “erməni soyqırımı”nı tanınmasını fəal dəstəkləyib və bu məsələyə dair çoxlu qətnamələrin həmtəsisçisi olub. Eyni zamanda o, Metyu Brayzanın Azərbaycanda səfir postuna namizədliyini dəstəkləyib.
Sentyabrın 5-dı Kerri Azərbaycan prezidentinin 2004-cü ildə Budapeştdə erməni əsgəri öldürmüş leytenant Ramil Səfərovu azad etməsini pisləyib. “Mən Azərbaycanın Ramil Səfərovun azad edilməsini nəinki alqışlamasından, hətta onun əfv olunmasından və qəhrəmanlaşdırılmasından şoka düşmüşəm”, - o demişdi.
“Bu təxribat aktı iki ölkə arasında kövrək sülhü təhlükə altına alır və Azərbaycan hökumətinə inamı pozur”, - Kerri vurğulamışdı.
Turan-ın müxbiri bir sıra ABŞ analitiklərindən Kerrinin dövlət katibi təyin edilməsinin Amerika-Azərbaycan münasibətlərinə mümkün təsirini şərh etməyi xahiş edib. Azərbaycanın Vaşiqntondakı səfirliyi bu mövzuda şərh verməkdən imtina edib. Bakıdakı keçmiş səfir Riçard Kozlariç etiraf edib ki, Senatda işlədiyi illərdə senatorun mövqeyindın “narahatlıq” üçün əsas var. Lakin gözləmək və baxmaq lazımdır ki, “o, hökumətdə nə iş görəcək”. “İlk növbədə senator Kerri dövlət qulluqçusu karyerasına malikdir, beynəlxalq münasibətləri başa düşür. Bir çox başqa siyasətçilər kimi lazımi işlər görüb. Mən Massaçusets ştatında böyük erməni icmasını təqdim etdiyini nəzərdə tuturam. Ona görə də 907-ci düzəlişin tərəfdarı olub. Ancaq düşünürəm ki, o, ABŞ-ın dövlət katibi olanda amerikalı vətəndaşların xüsusi qrupunu və ya ABŞ Konqresində konkret seçki dairəsini təqdim etməyə son qoyacaq”, - Kozlariç vurğulayıb.-25B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz