Mətbuat-Monitorinq 23-24.09.12

Rəsmi qəzetlər dövlət başçısı İlham Əliyevin Bakıda start götürmüş 17 yaşlı qızlar arasında Dünya Çempionatının açılışında iştirakı haqda yazırlar. 

“Azadlıq” qəzeti xarici işlər nazir Elmar Məmmədyarovun “birinci ledi”nin əmisi Hafiz Paşayevlə əvəzlənməsi məsələsinin baş tutmamasını manjetə çıxararaq buna “Paşayevlərin “nazir əməliyyatı” mövqeyini ifadə edir. 

Sentyabrın 22-i gecə Lənkəran və Astarada keçirilən əməliyyat zamanı 14 nəfər narkotik maddə alverçisi saxlanılıb. 

Ucar rayon polisi AXCP yerli təşkilatının toplantısına imkan verməyib. 

Yol-nəqliyyat qəzasına görə gənc masavatçı Nigar Yaqublunun barəsində məhkəməyə qədər həbs qərarı çıxarılmasına etiraz edən Ziyalılar Forumu bu həbsi “çox təhlükəli bir presedentin təməlinin qoyulması” adlandırır. 

AXCP sədri Əli Kərimli ölkənin demokratik düşərgəsinin apardğı mübarizənin mahiyyətini qəzetə “biz rejim dəyişikliyi uğrunda mübarizə aparırıq, heç kim, hər hansı qüvvə bizi bu hədəfdən yayındıra bilməz” şəklində şərh edib. 

“Yeni Müsavat” Ramil Səfərov məsələsində xarici işlər naziri E.Məmmədyarovun işini yarıtmaz sayan rəsmi Bakının onu hətta birinci ledinin əmisi Hafiz Paşayevlə əvəzləmək istədiyini ilk səhifəyə çıxarıb. 

Yol-nəqliyyat qəzasına görə barəsində məhkəməyə qədər həbs qərarı çıxarılmış gənc müsavatçı Nigar Yaqubluya ailəsilə görüş verilmir. 

Müdafiə Sənayesi Nazirliyinə məxsus torpaqları fiziki şəxslərə satdığına görə nazirlik Əmlak Komitəsini məhkəməyə verib. 

“Bakı Xəbər”. Türkiyədə yaşayan Güney Azərbaycan türkləri İranda türk dilinin assimilyasia olunması siyasətinə etiraz olaraq buradakı İran səfriliyi önündə aksiya keçirib.