![Mətbuat-Monitorinq 23.01.13](https://turan.az/resized/750/500/resize/media/2013/main/012300025596.jpg)
Mətbuat-Monitorinq 23.01.13
Rəsmi qəzetlər dövlət başçısı İlham Əliyevin Davos səfəri haqda yazıblar. Bundan əlavə, fəal vətəndaş mövqelərinə görə tanınan ziyalı və ictimai xadim Rüstəm İbrahimbəyov, Ziyalılar Forumunun qurucularından Eldar Namazov, hüquq müdafiəçisi Leyla Yunus haqqında bu qəzetlərdə təhqir, iftira və böhtan dolu yazılar dərc olunub.
Əksinə bu qəzetlər dünənə qədər söydükləri hüquq müdafiəçisi Eynulla Fətullayevi və tanınmış aktyor Rasim Balayevi müdafiə edən məqalələr yerləşdiriblər.
“Azadlıq” qəzeti Gəncə Şəhər Polis İdarəsinin rəisi Rasim Musayevin şəhərin icra başçısı Elmar Vəliyevi döydüyünə görə vəzifəsindən azad edilməsi xəbərini manjetə çıxarıb.
Qəzetin iddiasına görə, Ermənistan-İran əməkdaşlığının gizli məqsədli olması ilə bağlı Avropa Ermənistana münasibətini sərtləşdirib.
Məlum 19 yanvar “Binə hadisələri”ndən sonra Vergilər Nazirliyi “Binə” və “Sədərək” ticarət mərkəzlərinin sahiblərini vergi tutulması ilə bağlı məsələləri qaydaya salmamaqda tənqid edib.
Ölkə vətəndaşlarına xaricdən yayımlanan “Azərbaycan saatı” proqramına baxmaq üçün vərəqələr payladığına görə gənc fəal Paşa Dadaşov 7 sutka inzibati cəza alıb.
Avropa Sabitlik Təşəbbüsü İctimai Birliyi hesabatlarında Azərbaycanla bağlı həqiqətləri gizlətdikləri üçün AŞPA-nın Azərbaycan üzrə həmməruzəçilərinin istefasını tələb edib.
Türkiyənin Milli Təhlükəsizlik qurumu ABŞ-da mühacirətdə olan Azərbaycanın eks-spikeri Rəsul Quliyevin Türkiyəyə girişinə qadağa qoyub.
“Zerkalo” mənzil probleminin həlli ilə bağlı ölkənin dururmunu “acınacaqlı” adlandırıb.
“Ekspress” ermənilərin ATƏT-in Minsk Qrupu həmsədrlərinə Xocalı aeroportundan olan ilk uçuşun sərnişinləri olmaları barədə təklifini “həyasız təklif” adlandırıb.
“Exo” istintaqa istinadən hərbi xidmətdə ölümü ölkədə kütləvi etirazlara səbəb olan Ceyhun Qubadovun öldürülmədiyini, komandirlərin səhlənkarlığı nəticəsində vəfat etdiyini yazır.
“Novoe Vremya” Azərbaycanın Yunanıstanda şübhəli qaz “oyunu”na girdiyini yazaraq bunu Qərbin tapşırığı ilə Yunanıstanda Rusiyanın maraqlarına qarşı getmək kimi dəyərləndirir.
“Bizim yol” Gəncə Şəhər Polis İdarəsinin rəisi Rasim Musayevin vəzifəsindən azad olunmasını “Ramiz Mehdiyevin adamının işdən götürülməsi” adlandırır.
Yanvarın 19-da “Binə” Ticarət Mərkəzində baş vermiş aksiyadan sonra mülki geyimlilər mərkəzə gələrək bəzi icarədarları qandallayaraq naməlum istiqamətə aparıblar.
“Yeni Müsavat” Gəncə Şəhər Polis İdarəsinin rəisi Rasim Musayevin vəzifədən azad edilməsini bu bölgədə “kürd klanı”nın qalib gəlməsi kimi dəyərləndirir.
Qəzet Baş Dövlət Xüsusi Mühafizə İdarəsinin məlumat bazasından ələ keçirilən məxfi sənədlərin yerləşdirildiyi saytın başqa ölkələr üçün açıq olmasını “iqtidarın bütün sirlərinin beynəlxalq güclərin əlində olması” adlandırır.
Sosial ədalətsizliyə etiraz olaraq paytaxt sürücüləri də aksiyaya hazırlaşır.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz