![Mətbuat-Monitorinq 23.04.15](https://turan.az/resized/750/500/resize/media/2015/main/042300113604.jpg)
Mətbuat-Monitorinq 23.04.15
Rəsmi qəzetlər dövlət başçısı İlham Əliyevin Heydər Əliyev adına İdman Sarayında əsaslı təmirdən sonra yaradılan şəraitlə tanış olması haqda xəbəri ilk səhifədə yerləşdirib.
“Azadlıq” qəzeti ölkədə tikinti maqnatlarından biri sayılan “Şərur İsfəndiyar”a təzyiqlərlə bağlı PA-nın rəhbəri Ramiz Mehdiyevlə Paşayevlər arasında yeni qovğanın yaranmasına diqqət çəkir.
Ölkə məhbusları Avropa Oyunlarına 10 gün qalmış aclıq aksiyası keçirmək barədə razılığa gəliblər, aksiyada məqsəd rəsmi Bakıdan vətəndaşa hörmətlə yanaşmağı tələb etməkdir.
ABŞ-da yerləşən Jurnalistləri Müdafiə Komitəsinin senzuranın ən çox tətbiq edildiyi 10 ölkə sırasında Azərbaycan ilk beşlikdə qərarlaşıb.
Ekspertlər ölkədə ödəniş kartları dövriyyəsinin artmasına “bu vətəndşların banklardan asılılığının artması deməkdir” şərhini veriblər.
Korrupsiyaya Qarşı Mübarizə İdarəsinin 10 il ərzində ölkə büdcəsinə 200 milyon manat ödətdirməsi barədə açıqlamasını qəzet “10 günün korrupsiyasının 10 il əvəzinə təqdim olunması” kimi dəyərləndirir.
Törətdiyi yol qəzası ilə insan ölümünə səbəb olan Səbayel Rayon İcra Hakimiyyəti başçısının oğlu İlham Əsgərli hadisə və məhkəmə barədə ictimaiyyəti məlumatlandıran jurnalistlərə etirazını bildirib.
Torpaq Komitəsinin ləğvi nəticəsində maaşlarını ala bilməyən 2 min nəfərə yaxın əməkdaş dövlət başçısı İlham Əliyevə müraciət ünvanlayıb.
“Ekspress” “Avropa” oltelindəki bıçaqlanma və qətl hadisəsinə toxunaraq bunu “oteldə müəmmalı qətl” kimi dəyərləndirərək diqqət mətkəzinə çəkib.
Qəzetin iddiasına görə, müdafiə naziri Zakir Həsənov şəxsi heyətə təmas xəttində hərəkət edən istənilən hərbi obyekti dərhal məhv ermək tapşırığını verib.
“Exo” Azərbaycanda kredit götürən 100 min nəfərə yaxın adamın kredit borcunu ödəmədiyini yazaraq bu il martın 1-nə vaxtı keçmiş kredit borclarının ümumi həcminin 1,2 milyard manat təşkil etməsini önə çəkib.
“Novoe Vremya” Baş Prokurorluğun korrupsiyaya qarşı mübarizədə uğurlar qazanması hesabatına ironik “amma daşınası “yük” yenə də oradadır” münasibətinə ilk səhifədə yer ayırıb.
Azərbaycanın Avropa İttifaqının “Şərq tərəfdaşlığı” Proqramında iştirakının lazımsız olduğunu iddia edən qəzet “Bizə “Şərq tərəfdaşlığı lazımdırmı?-Riqa görüşü” mövqeyini önə çıxarıb.
“Bizim yol” ölkənin böhranda olduğu 3 ay ərzində ÜDM-in 5,3%, əhalinin gəlirlərinin 5% artması haqda Statistika Komitəsinin açqılamasına “hər kəsi heyrətləndirmək” ironiyasını ifadə edib.
“Yeni Müsavat” Qarabağ münaqişəsinin tənzimlənməsilə bağlı fəaliyyət göstərən Minsk Qrupunın əhəmiyyətsizliyini “özünü çoxdan bitirən format” mövqeyilə ilk səhifəyə çıxarıb.
Vətəndaş-məmur münasibətlərində problem olan sahələrin tədricən ASAN xidmətə verilməsini təklif edən ekspertlər ASAN xidmətə tam şəkildə keçilməməsini “ortada ciddi maraqların olması” ilə əsaslandırıblar.
Devalvasiyadan sonra ölkədə pul bazasının azaldığını yazan qəzet ekspertlər kreditləşməni dəstəkləmək üçün Mərkəzi Bankın banklara əlavə manat dəstəyi verməsini təklif edirlər.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz