Mətbuat-monitorinq 23.05.15

Rəsmi qəzetlər dövlət başçısı İlham Əliyevin Böyükşor bulvar parkının açılışında iştirakı haqda xəbərləri ilk səhifələrə yerləşdiriblər.

“Azadlıq” qəzeti Avropa Birliyinin Riqa sammitində nazir Elmar Məmmədyarov tədbiri yarımçıq tərk etsə də, rəsmi Bakının Bəyannaməni imzalamağa məcbur qalması mövzusunu manjetə çıxarıb.

Binqədi rayonunda bu günlərdə kütləvi insan tələfatı və xəsarətilə müşaiyət edilən yanğına toxunan qəzet buna görə 8 nəfərin həbs edildiyini, onlardan birinin Naxçıvan Ali Məclisinin rəhbəri Vasif Talıbovun qohumu olduğunu yazır.

AXCP sədri Əli Kərimli yanğını “rəsmi Bakının bacarıqsızlığı və xalqa biganəliyinin” nəticəsi hesab edir.

Ekspertlər 2014-cü ildə büdcədən investisiyalara 6 milyard manat silindiyini, bu məbləğin əksər hissəsinin binalarda yanğına səbəb olan penoplast üzlüklərlə binların üzlənməsinə xərcləndiyini bəyan edirlər.        

Qəzet yazır ki, 125 milyardlıq layihələrdən danışan iş adamı İbrahim Nehrəmli sahibi olduğu “Avesta” şirkətini Beynəlxalq Banka borclu olması üzündən 45 milyon manata satışa çıxarıb.

Dövlət başçısı İlham Əliyevin bu günlərdəki müşavirədə bələdiyyələri fəaliyyətsizlikdə tənqid etməsinə qəzet bələdiyyərlin 66%-nin YAP-çılar olduğunu xatırladır.

Qəzet yazır ki, ABŞ-ın “Foregin Policy” jurnalına müsahibəsində Ren Amerika Mərkəzinin rəhbəri Suzanne Nossel Olimpiya kimi meqa-idman oyunların avtoritar ölkələrdə keçiirlməsinə bu oyunların avtoritar rejimlərin “oyuncağına” dönməsi rəyi verir.

“Ekspress” qəzeti Riqa sammtinin Bəyannaməsini rəsmi Bakının şərtlə imzalamasını “sammitin ruhunun Bakını qane etməməsi” adı ilə önə çəkib.

“Novoe Vremya” qəzeti Riqada “Şərq Tərəfadaşlığı” sammtinin Bakı üçün məyusluğa dönməsi iddiasını diqqət mərkəzinə çəkir.

Binəqədi rayonunda baş vermiş yanğında günahı olan yüksək rütbəli məmurların məsuliyyətdən kənarda saxlanmasına qəzet “bütün günahkarlar cəzalandırılmalıdır” mövqeyi ifadə edir.  

“Bizim yol” qəzeti Beynəlxalq Banka 104 milyon manat kredit borcu olan “Azərenerji” rəhbəri Etibar Pirverdiyevin istintaqa çağrılmasını ilk səhifədə yerləşdirib.

Binəqədi rayonundakı yanan binada mənzillərini kirayə verən şəxslərə kompensasiya ödənməyəcəyi barədə Bakı şəhər icra hakimiyyətinin başçısı Hacıbala Abutalıbovun bəyanatını qəzet “zərərçəkənləri şoka salması” adlandırır.

Qəzet yazır ki, Binəqədi rayonunda binanın yanmasına poliüteran üzlük səbəb olduğu üçün FHN Bakıda belə üzlüklü 240 binanı nəzarətə götürüb.   

Ölkə səhiyyəsinin aşağı səviyyədə olmasını qəzet “xəstələri çöllərə salan 200 xəstəxana, 20 min həkim...” mövqeyilə anladır.

“Baku Steel Company” rəhbəri Rasim Məmmədov adlı şəxs bir sıra zavod və sexləri bağlatdırması kimi özbaşınalığını Azərbaycansayağı “sahiblərinin “müxalifətçi” olması” kimi “arqument”lə əsaslandırmağa çalışıb. 

“Yeni Müsavat” qəzeti Beynəlxalq Banka kredit borcuna görə iş adamlarının “bandotdel”ə çağırılması ilə bağlı iş adamı Hafiz Məmmədovun (Hafka) ölkədən qaçmasını ilk səhifəyə çıxarıb.

Bakı şəhər icra hakimiyyəti başçısı Hacıbala Abutalıbov Binəqədi rayonunda binadakı yanğınla bağlı yaradılan dövlət komissiyasının terror ehtimalını da araşdırdığını deyib. Qəzet qeyd edir ki, Binəqədi rayonundakı yanğında evlərinin yanmasına baxmayaraq, evini kirayə verən şəxslərə kompensasiya ödənməyəcək. 

Adı çəkilən yanğının nəticələri haqda danışan YAP-çı deputat Siyavuş Novruzov işdən çıxarılacaq məmruların olacağını söyləyib.

Yüksək vəzifəli məmurları ölkəni talamaqda ittiham edən deputat Əli Məsimli onlara “hətta acgözlük və hərisliyin də bir həddi olmalı” xitabı edib.