![Mətbuat-Monitorinq 24-25.02.13](https://turan.az/resized/750/500/resize/media/2013/main/022500029556.jpg)
Mətbuat-Monitorinq 24-25.02.13
Rəsmi qəzetlər ölkənin iqtisadi inkişafı, Xocalı faciəsinin növbəti ildönümü ilə bağlı yazılar dərc ediblər. Bundan əlavə, bu qəzetlər aparıcı müxalifət qüvvələrinin birliyi olan İctimai Palatanın “dağılmaqda olması” haqda böhtan xarakterli yazılar yerləşdiriblər.
“Azadlıq” qəzeti olimpiya hərəkatı haqqında kitabın ideya müəllifi PA-nın rəhbəri Ramiz Mehdiyevin olmasına baxmayaraq, əksər YAP-çıların kitabın təqdimatına gəlməməsini “Ramiz Mehdiyevin tədbirinin boykot olunması” hesab edir.
Böyük Britaniya mətbuatında Heydər Əliyev Mərkəzinin memarı Zaha Hədidin rejimlə əməkdaşlığna görə tənqid olunması “Britaniya mediasının Əliyevləri vurması” adlandırılır.
Həbsdə olan REAL Hərəkatının rəhbəri İlqar Məmmədov Avropa Parlamenti və ABŞ Konqresinə yüksək vəzifəli 11 azərbaycanlı məmura sanksiyalar tətbiq olunması müraciəti edib.
Masallı sakini, Milli Qəhrəman Səfərəli Məmmədovun atası Qurban Məmmədov rayondakı neqativlərlə bağlı rayon icra hakimiyyətində danışmaq istərkən zaldan çıxarılıb, döyülüb, təkrar rayon polis idarəsinə aparlarkən fiziki zorakılığa məruz qalıb.
Türkiyə mətbuatı Ermənistan prezidentini təbrikə görə Türkiyə prezidenti Abdulla Gülün Azərbaycan mediasında tənqid hədəfinə dönməsini “rəsmi Bakıya yaxın media orqanlarına Gül əleyhinə xəbərlər yaymaq tapşırığı verilməsi” sayır.
“İqtidar təşviş içindədir, bir qığılcım partlayışa səbəb ola bilər”, - deyə media eksperti Rəşid Hacılı ölkədəki durumla bağlı qəzetə şərh verib.
Ölkənin yüksək vəzifəli şəxslərinin bir-birlərilə qohum olması faktlarına isnadən Azərbaycan hakimiyyəti “qohum-əqrəba hakimiyyəti” adlandırılır.
“Yeni Müsavat” qəzeti Gəncə icra başçısı Elmar Vəliyevin bölgənin tanınmış siyasi xadimlərindən Cahangir Əmirxanı Gəncə ilə bağlı qəzetdəki yazısına görə təqiblərə məruz qoymasını manjetə çıxarıb.
Müdafiə Nazirliyinin bir qrup zabiti Ehtiyatda olan Zabirlət Birliyinin ofisinə gələrək qurumun rəhbəri Yaşar Cəfərlidən ordu ilə bağlı 10 illik hesabat tələb ediblər, Y.Cəfərli bunu ictimai quruma təzyiq adlandırıb.
ABŞ-ın Azərbaycan səfirinin bölgələrə səfərləri “Amerikanın Azərbaycanla bağlı qərar ərəfəsində olması” kimi dəyərləndirilir.
Teleqüllə ətrafında gedən tikintilərin bu ərazidə sürüşməni aktivləşdirməsi “məmur villalarının Badamdar camaatını təhlükəyə salması” adlandırılır.
Tələbələrin fevralın 27-də birgünlük “təhsili boykot” aksiyasına 30 min etirazçı tələbənin qatılacağı nəzərə çatdırılır.
“Royalbank”ın iki filial müdirinin həbsi bankın əsas səhmdarlarından olan İlqar Əliyevin (dövlət başçısı İlham Əliyevin mərhum əmisi Aqil Əliyevin oğlu) biznesinin təqib olunması kimi dəyərləndirilir.
“Sədərək” ticarət mərkəzində icarədarların haqsızlıqlara etiraz olaraq aksiyaya hazırlaşmaları “Sədərəkdə sahibkar üsyanının yetişməsi” adlandırılır.
“Bakı Xəbər” qəzeti Rusiya xüsusi xidmət qurumlarının nəzarətində olan Ləzgi Milli Mədəni Muxtariyyətinin rəsmi saytında Azərbaycan əleyhinə iri həcmli məqalə yerləşdirilməsii “Azərbaycana Kremlin təzyiqi” adlandırır.
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz