Mətbuat-Monitorinq 24.04.15

Rəsmi qəzetlər Türkiyənin Media İxtisas Jurnalistləri Federasiyasının dövlət başçısı İlham Əliyevi “Beyn’lxalq Dostluq və Sülh Mükafatı”na layiq görməsi haqda xəbəri ilk səhifədə yerləşdirib.

Bundan əlavə? bu qəzetlərdə Bakı şəhər Yasamal rayonu 20 saylı məktəbin tikintisi üçün 10 milyon manat;n ayrılması haqda sərəncamın mətni də ilk səhifədə yer alır.   

“Azadlıq” qəzeti maliyyə naziri naziri Samir Şərifovun məmurlara nəzarət edəcəyi funksiyası qazanmasını manjetə çıxararaq onun hakimiyyətdə “qüdrətli”  fiqurlardan birnə döndüyünü iddia edir.

Qəzetin yazd;ğna görə, ölkə həbsxanalarındakı siyasi məhbuslar Avropa Oyunlarına 10 gün qalmış aclıq aksiyası keçirərək bu oyunların boykot  olunmasını tələb edəcəklər.

Qarşıdakı həftə AŞ Nazilər Kabinetinin rəhbəri Didye Reyndersin Bakıya gözlənilən səfərinə qəzet “komitə rəhbəri siyasi məhbuslara görə Bakıya gəlir” şərhini verir.

Qəzet Böyük Britaniyanın “The Guardian” qəzetinin dünya birliyinə “İlham Əliyev hakimiyyətinin insan hüquq və azadlıqlarına məcbur olunması” çağırışı etməsinə diqqət çəkir.   

Qəzet “vicdan məhbusu”, Müsavat Partiyası başqanının müavini Tofiq Yaqublunun qızı Nərgiz Yaqublunun vaxtsız vəfatı ilə bağlı yazılar dərc edib.

Azərbaycan rəsmi mediasının ABŞ-a qarşı korrupsiya, insan haqlarını pozulması ittihamlarına ABŞ-ın Azərbaycan səfirliyinin “hər bir xarici hökumətin ABŞ-da baş verənləri izləmək hüququ var və bunu daxili işlərə müdaxilə saymırıq” cavabını qəzet “ABŞ-ın rəsmi Bakını pərt vəziyyətə salması” kimi dəyərləndirir.

Avropa Oyunları öncəsi rəsi Bakının köhnə maşınları, dilənçiləri paytaxtdan yığması, uçuq daxmaların görünməməsi üçün hasarlanmasını qəzet “iqtidarın utandırıcı siyasət yürütməsinin etirafı” adlandırır.

“Ekspress”  paytaxt yollarının xüsusi zolaqlara ayrılması və əsas küçələrdə parkinqin qadağan olunacağı haqda xəbəri diqqət mərkəzinə çəkib.

“Exo”  bəzi vətəndaşların hətta çörək almağa belə vəsaitinin olmadığını önə çəkərək “kasıblara kömək etmək lazımdır!” şüarını irəli sürür.

“Novoe Vremya”  rəsmi Bakının ölkədə ağır iqtisadi böhran olmasına baxmayaraq, “hər şeyin yaxşı olması” mövqeyinə qarşı “optimizmə əsas varmı?” sualını önə çəkir.

“Bizim yol”  ölkədə ərazaq satışının 3-4 şirkətin əlinə keçəcəyini önə çəkərək xırda ticarət köşklərinin sıradan çıxmalarının qaçılmaz olması barədə xəbərdarlıq edir.

“Yeni Müsavat”  nəqliyyat naziri Ziya Məmmədovun qardaşları Loğman və Nəriman Məmmədovların Beynəlxalq Bankdakı hesablarından  pul oğurlanmasını ilk səhifəyə çıxarıb.

Hüquq müdafiəçisi Arzu Abdullayeva mayın sonlarında əfv fərmanı olacağı barədə açıqlama verib.