Rəsmi və iqtidaryönlü qəzetlər dövlət başçısı İlham Əliyevin “Alov qüllələri” kompleksindəki “Fairmont Baku” otelinin açılışında iştirak etməsini ilk səhifəyə çıxarıb. Bundan əlavə, bu qəzetlər dövlət başçısının Konstitusiya Məhkəməsi sədrinin təyin edilməsi, Müdafiə Nazirliyinin hərbi qulluqçularının və mülki işçilərinin aylıq vəzifə maaşlarının orta hesabla 10% artırılması, maşınqayırma sənayesi işçilərinin bir qrupunun dövlət mükafatları ilə təltif edilməri haqda sərəncamlarının mətnlərini ini dərc ediblər.
“Xalq” qəzeti Avropa qurumlarının xüsusi diqqət yetirdiyi REAL hərəkatının həbsdə olan lideri İlqar Məmmədovu və “Freedom House” təşkilatını təhqirə məruzq qoyan yazılar verib.
“Yeni Azərbaycan” qəzeti bugünkü sayında Milli Şura və “Freedom House” təşkilatı haqqında böhtan, iftira, yalan dolu 5 məqalə yerləşdirib.
“Azadlıq” Moskvadakı azərbaycanlı milyarderlərdən biri Söyün Sadıqovun Naxçıvan klanının Mehriban Əliyevanın ətrafını sıxışdıracağı haqda açıqlamasını manjetə çıxarıb.
Ölkə politoloqları Azərbaycan dövlətinin xarici siyasətinin olmaması, hakim ailənin xarici siyasətinin olması bəyanatını səsləndiriblər.
Peyk vasitəsilə yayımlara Azərbaycanin müdaxiləsinə cavab olaraq ABŞ tərəfi “Azadlıq” radiosu və rəsmi Bakı ilə əlaqə saxladığını bildirir. Qəzetsə bu müdaxiləni “kosmik xuliqanlıq” adlandırır.
“Azad Avropa” radiosu Azərbaycanda seçkiöncəsi prosesləri təhlil edərək pərdə arxasında Əliyev və partiyasının nikbin olmaması qənaətini ifadə edib.
Politoloqlar Demokratik Azərbaycan Dünyası Partiyasının (DADP) Mehriban Əliyevanın namizədliyini irəli sürülməsinə YAP-ın çaşqın reaksiyasını bu ssenarinin hansı “siyasi mətbəxdə” hazırlanmasını bilməməsi ilə əlaqələndirir.
Müəmmalı ittihamla MTN-də saxlanılan PA İşlər İdarəsinin keçmiş müdiri Akif Muradverdiyevin vəkili Fuad Ağayev ona su verilmədiyini bildirib.
“Zerkalo” Fransada vəfat etmiş azərbaycanlı rəssam Toğrul Nərimanbəyovun ölümünün bəzi şübhəli məqamları ilə bağlı araşdırma başladığı üçün dəfnin qeyri-müəyyən müddətə təxirə salındığını yazır.
“Ekspress” Güney Azərbaycandakı Urmu gölünün 2/3 hissəsinin quruduğunu nəzərə çatdırır.
Qəzet ekspertlərə istinadən Bakının bir sıra qədim mərkəzi məhəllələrinin sökülməsi nəticəsində paytaxtda əmlakın bahalaşacağı barədə xəbərdarlıq edir.
“Exo” ölkədə 2-3 milyon nəfər siqaret çəkən olduğunu yazaraq tütün məmulatlarının qiymətlərinin mütəmadi artmasına baxmadan istifadəçilərin sayınn da durmadan artdığını nəzərə çatdırır.
Qəzet ekspertlərə istinadən Azərbaycanın hər vətəndaşına orta hesabla 555 dollar xarici borcun düşdüyünü yazır.
Qəzet qeyd edir ki, ölkədə ovlanan balıqların 90%-i brakonyerlərin payına düşür.
“Bizim yol”. Ağcabədi rayonunda ekologiya naziri Hüseynqulu Bağırovun qəbuluna gəlmək istəyən narazılar polis tərəfindən saxlanılıb, səs-küy olmasına baxmayaraq, nazir nə baş verməsilə maraqlanmayıb.
Həbsdə olan ilahiyyatçı alim Taleh Bağırovun hüquqlarını Müdafiə Komitəsi onun həbsdən azad edilməsi tələbilə imzatoplama kampaniyasına başlayıb.
Separatçı “Sadval” təşkilatının Azərbaycan əleyhinə aksiyalarına Rusiyanın bir sıra şəhərlərində icazə verilməsinə qəzet “separatçılığa yaşıl işığın yandırılması” mövqeyini ifadə edir.
“Yeni Müsavat” deputat Mehriban Əliyevanın prezidentliyə namizədliyinin səslənməsini Moskvadakı azərbaycanlı milyarderlərdən Söyün Sadqıovun “ikinci namizəd planının təsdiqlənməsi” kimi dəyərləndirdiyini ilk səhifəyə çıxarıb.
Uzun müddət həbs həyatrı yaşamış polis rəisi Müşfiq Mədətov naxçıvanlı dostlarının ona arxa çevirməsinə “indiki ağlım olsaydı bu hakimiyyətdə olan naxçıvanlılara nəfəs almağa imkan verməzdim” bəyanatını səsləndirib.
Rəy yaz