Bakı-Tbilisi-Ceyhan (BTC) neft kəmərinin Türkiyə hissəsinin operatoru Botas International Limited (BIL) şirkəti Ceyhan neft terminalında yüklənən neft həcmi barədə məlumat yayıb.
BTC-yə neft doldurulandan (2 iyun 2006) 21 iyun 2013-cü ilə kimi Ceyhanda 2216 tanker neftlə yüklənib, deyə Botas-ın saytı bildirir.
BTC işə başlayandan neft yüklənməsi həcmi 1,710 mlrd barreldir.
BTC ilə “Azəri-Çıraq-Günəşli” blokundan çıxarılan neft və “Şahdəniz” yatağından kondensat nəql edilir.
2010-cu ilin iyulunda yeni saziş imzalanandan sonra kəmərlə türkmən nefti də nəql olunur. BTC ilə Qazaxıstan neftinin nəqli barədə saziş də var.
BTC-nin gücü sutkada 1,2 mln barreldir. Hazırda kəmərlə sutkada 720-730 min barrel neft nəql edilir.
* BTC Со-nun səhmdarları bunlardır: BP (30,1%), ARDNŞ (25%), Chevron (8,9%), Statoil (8,71%), TPAO (6,53%), ENI (5%), Total (5%), Itochu (3,4%), Inpex (2,5%), ConocoPhillips (2,5%) və Hess (2,36%). --12В--
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz