Rəsmi qəzetlər dövlət başçısı İlham Əliyevin AŞPA sessiyasındakı çıxışının mətnini ilk səhifələrə yerləşdiriblər. Bundan əlavə, bu qəzetlər dövlət başçısının bir qrup hərbçiyə rütbələr verməsi, dövlət orden və medalları ilə təltif etməsi haqda sərəncamlarının mətnlərini səhifələrində yerləşdiriblər.
“Azadlıq” qəzeti fövqəladə hallar naziri Kəmaləddin Heydərovun Rusiya ilə yaxınlaşmasının övladlarının Avropadakı biznesini zərbə altına qoyması xəbərini ilk səhifəyə çıxarıb.
Dövlət başçısı İlham Əliyevin AŞPA sessiyasında daim dialoq tərəfdarı olması haqda bəyanatına ölkə siyasiləri “İlham Əliyevin bəyanatları açıq yalandır” qarşılığını veriblər. AŞPA sessiyasında dövlət başçısı İlham Əliyev tərəfindən ittihamlara məruz qalan hüquq müdafiəçisi Leyla Yunus ona “məni məhv edə bilərsiz, amma qalib gələ bilməzsiniz” cavabını verib. Dövlət başçısı İlham Əliyevin AŞPA sessiyasındakı çıxışında Azərbaycanda vicdan və siyasi məhbuslar olmasını inkar etməsinə AŞPA prezidenti “problemləri inkar edərək onların qarşısını almaq olmaz” cavabını verib.
Qəzet nəqliyyat naziri Ziya Məmmədovun nəqliyyatda gediş haqlarının artırılması təklifinə Tarif Şurasının “yox” cavabını nəzərə çatdırır.
Adı keçmiş deputat Gülər Əhmədovanın “mandat alveri” qalmaqalında keçən mərhum Sevinc Babayevanın oğlu Ayxan Məmmədov oğurluq etdiyi üçün 3 il 6 ay həbs cəzası alıb, yaxınları bunu yalan, həbsi sifariş sayırlar.
“Ekspress” 26 iyun Silahlı Qüvvələr Günü münasibətilə hərbi rütbələrin verilməsi hadqa xəbəri ilk səhifəyə çıxarıb.
26 iyun- Silahlı Qüvvələr Günü ilə bağlı müsahibə vermiş müdafiə naziri Zakir Həsənov “Azərbaycan ordusunun Ermənistanda istənilən obyekti darmadağın edə bilməsi” bəyanatını səsləndirib.
“Exo” ABŞ-ın neft satışı ilə bağlı dünya bazarına çıxmasını önə çəkərək ekspertlərin bu fakta həm də “müəyyən halda neftin qiymətinin nəzarətdən çıxa bilməsi” şərhini verdiklərini qeyd edirlər.
“Novoe Vremya” maliyyə amnistiyası haqda layihə hazırlanmasına dair açıqlamaları önə verərək bunu “ölkənin talanmasını qanuniləşdirmək” kimi dəyərləndirir.
“Bizim yol” “Hafka” ləqəbli iş adamı Hafiz Məmmədova məxsus “Bank of Azerbaijan”ın payının başqa iki bank arasında bölüşdürülməsini ilk səhifəyə çıxararaq bunu “məşhur azərbaycanlı milyarderə zərbə” adlandırır.
Qəzetin yazdığına görə, RF prezidenti V.Putin “AzərRos” təşkilatının tanınmış simalarından Abbas Abbasova Krım tatarları ilə danışlqlar aparmaq səlahiyyətini verib, A.Abbasovun oğlu Aydın Abbasov bunun yalan olduğunu bildirir.
“Yeni Müsavat” keçmiş deputat Gülər Əhmədovanın “mandat alveri” qalmaqalında adı keçən mərhum Sevinc Babayevanın oğlu Ayxan Məmmədovun həbsini önə çəkərək ona “müəmmalı həbs” yanaşması göstərir.
AŞPA-nın payız sessiyasında Azərbaycana siyasi məhbus məsələsi üzrə məruzəçi təyin edəcəyinə diqqət çəkən qəzet bu şəxsin kimliyinin hələ məlum olmadığını nəzərə çatdırır.
Həbsdə olan jurnalist Rərviz Həşimliyə münasibət pisləşib və o, cibinə narkotik maddə atıla biləcəyindən ehtiyat etdiyini söyləyib.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz