![Azərbaycanda Silahlı Qüvvələr Günü qeyd olunur](https://turan.az/resized/750/500/resize/media/2014/main/062600082625.jpg)
Azərbaycanda Silahlı Qüvvələr Günü qeyd olunur
İyunun 26-da Azərbayanda Silahlı Qüvvələr Günü qeyd olunur. Ölkə prezidentinin 1998-ci il 22 may tarixli fərmanı ilə bu gün qeyri-iş günü elan edilib.
1918-ci il iyunun 26-da Azərbaycan Xalq Cümhuriyyətinin qərarı ilə nizami ordu hissəsi – Əlahiddə Azərbaycan korpusu yaradılıb ki, bu da Silahlı Qüvvələrin yaradılması üçün zəmin təşkil edib.
1998-ci ilədək Silahlı Qüvvələr Günü oktyabrın 9-da qeyd olunurdu. 1991-ci il həmin gün Ali Sovet milli özünümüdafiə qüvvələrinin yaradılması haqqında qanun qəbul edib.
1992-ci oktyabrın 9-da müstəqil Azərbaycanın tarixində ilk dəfə olaraq hərbi parad keçirilib.
İkinci parad 2008-ci il iyunun 26-da “Azadlıq” meydanında milli ordunun 90 illiyi münasibətilə keçirilib. Tədbirdə 4510 hərbçi, onlarla müxtəlif növ hərbi texnika iştirak edib.
Üçüncü hərbi parad 2011-ci il iyunun 26-da keçirilib və Azərbaycanın müstəqilliyinin bərpasının 20 illiyinə həsr olunub. Paradda 6 minə yaxın hərbçi iştirak edib.
Dördüncü parad 2013-cü il iyunun 26-da keçirilib və Azərbaycan Silahlı Qüvvələrinin yaradılmasının 95-ci ildönümünə həsr olunub.
Vikipediya məlumatına görə, 2013-cü ilədək Silahlı Qüvvələrin sayı 66 950 min nəfər təşkil edib. Bunun 56 850-i quru qoşunlarında, 2 200-ü HDD, 7 900-ü HHQ-dədir. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz