Mətbuat-Monitorinq 26.08.14

Rəsmi qəzetlər dövlət başçısı İlham Əliyevin Polşa səfiri Mixail Labendanı diplomatik fəaliyyətinin başa çatması ilə bağlı qəbul etməsi xəbərini ilk səhifədə yerləşdirib.

“Azadlıq” qəzeti Türkiyənin yeni prezidenti Ərdoğanın inauqurasiya mərasiminə Ermənistan dövlət başçısının da dəvət olunmasına YAP-dan olan etirazları önə verərək bunu “YAP-Ərdoğan toqquşması” adlandırır.

Rusiya XİN Ermənistan vasitəsilə Azərbaycana sırıdğı və 26 ildir ki, davam edən Qarabaş münaqişəsində dinc insanların ölümünün araşdırılması kimi “xeyirxah” münasibət ifadə edib.     

Öz mülkünü AXCP-yə icarəyə verdiyi üçün partladılan və dağıdılan mülkün sahibi Azər Əsgərov bu günlərdə polis tərəfindən saxlanmasını “bunlar hamısı məni qorxutmaq üçün əvvəlcədən qurulmuş oyun idi” şərhini verib.

Həbsdə olan tanınmış vəkil İntiqam Əliyevin ofisindən cinayət işinə aidiyyatı olmayan sənədlərin götürülməsini ekspertlər “vəkilin yazışmalarının senzuradan keçirilməsi” kimi dəyərləndirirlər.

Fransanın “Lans” futbol klubunu aldığı deyilən iş adamı Hafiz Məmmədov 10 milyon avro vəsaiti ödəmədiyi üçün klubun prezidenti bu məbləğin ödənilməsinə nail olmaq üçün Gənclər və İdman Nazirliyi ilə danışıqlar aparır.

“Ekspress” yas mərasimlərində ehsanların təmtəraqlı olması mövzusunu ilk səhifəyə çəkib, QMİ isə ehsanda nələrin verilməsinin sırf hüzr sahibinin sərəncamında olan məsələ kimi dəyərləndirib.

“Exo”  ekspertlərə istinadən Azərbaycana əsas mal və qoyun idxalçısı olan Gürcüstan Rusiya bazarına çıxmaq istədiyi üçün Azərbaycanda mal və qoyun ətinin bahalaşa biləcəyi barədə xəbərdarlıq edir.

“Novoe Vremya”  Qarabağ probleminin tənizmlənməsilə bağlı qətnamələrin qəbul edilməsi, amma icra olunmamasına “qətnamələr “yanmır”, amma əməl də olunmur” mövqeyini ifadə edib.

“Bizim yol”  Rusiya ekspertinə istinadən Azərbaycandan olan milyarder Telman İsmayılovun RF dövlət başçısı Putin barədə işlətdiyi xoşagəlməz ifadənin bütün varidatını təhlükə altına qoymasını ön plana çıxarıb.

“Yeni Müsavat”  baş nazirin keçmiş müavini Abbas Abbasovun rəsmi Kremlin vasitəsilə Azərbaycana hakimiyyətə gətiriləcəyi iddiasını ilk səhifəyə çıxararaq bunu “Abbas Abbasovun Kremlin yeni projesində olması” adlandırır.

Hüquq müdafiəçisi İlqar Nəsibovun Naxçıvanda vəhşicəsinə döyülməsini ekspertlər “Azərbaycanda iqtidarın bəyənmədiyi adamları vurub öldürmək mərhələsinin başlaması” kimi dəyərləndiriblər.

Müxalif siyasətçilər rəsmi Bakının son repressiyalarını 2015-ci il parlament seçkilərinə hazırlığın “tərkib hissəsi” kimi qiymətləndiriblər.

Bakıda son repressiyaların qarşısının alınmasına Avropa Şurasının təsir göstərə bilməməsini ekspertlər “onun oyuncaq qurum olması” kimi şərh edirlər.