Rəsmi və iqtidaryönlü qəzetlər dövlət başçısı İlham Əliyevin Nizami rayonunda istifadəyə verilən yarımstansiya ilə tanış olması xəbərini ilk səhifələrə çıxarıblar.
Dövlət başçısının xanımı Mehriban Əliyeva isə Buzovna və Türkan qəsəbələrində uşaq evlərinin açılışında iştirak edib.
“Azadlıq” Əliyev rejiminin seçkilərdə dəstək ala bilməsi üçün Türkiyə tərəfə 20 milyard dollarlıq investisiya təklifini “investisiya rüşvəti” adlandırır.
Milli Şura rəsmi Bakının dəvətilə Bakıya “exit-poll” keçirməyə gələn ACF şirkətinin keçirəcəyi sorğuların obyektiv olmayacağı və buna görə nəticələrini tanımayacağı barədə bəyanat yayıb.
“Azadlıq” radiosu seçki ilə bağlı Mərkəzi Seçki Komissiyasının xəbərdarlığını “müstəqil medianı qorxutmaq üçün istifadə edilən klassik hədə-qorxu taktikası” adlandırır.
“Atəşkəs Qurbanları” İctimai Birliyi atəşkəs dövründə övladları orduda ölən valideynləri seçkilərdə Cəmil Həsənliyə səs verməyə çağırıb.
AXCP sədri Əli Kərimli Milli Şuranın 22 sentyabr mitinqindən sonra 25 sutkalıq həbs cəzası alan oğlu Türkel Kərimli ilə görüşü barədə açıqlama verərək görüşdə məqsədinin Britaniyada oxuyan oğlunun müəllimlərini hadisədən xəbərdar etmək olduğunu bildirib.
“Zerkalo” jurnalist və QHT rəhbəri Pərviz Həşimlinin həbsinə ironiya ilə “yarı açılmış cinayət” adı qoyaraq eyni zamanda “xüsusi xidmət orqanlarının P.Həşimlini “nəyə görəsə cəzalandıra bilməsi də istisna deyil” mövqeyini ifadə edir.
“Ekspress” Rusiya mənbələrinə istinadən bu ölkənin zavodlarının Ermənistana birbaşa, özü də ucuz qiymətə silah-sursat satacağını bildirir.
“Novoe Vremya” seçki qanunvericiliyinin tələblərini pozması ilə bağlı MSK-nın “Azadlıq” radiosuna xəbərdarlığına radionun “müstəqil medianı qorxuda bilməzsiniz” cavabını ilk səhifəyə çıxarıb.
“Bizim yol” Mərkəzi Seçki Komissiyası və Yeni Azərbaycan Partiyasının xarici radiolara xəbərdarlığını və bu radioların xəbərdarlığın əsassız olması ilə bağlı cavabını ön səhifəyə çıxarıb.
Qəzet Bakının bir gecəlik yağış nəticəsində sel sularına qərq olmasını “infrastruktura xərclənən 7 milyard manatın batması” kimi dəyərləndirir.
“Yeni Müsavat” prezident seçkiləri ilə bağlı oktyabrın 9-da keçiriləcək səsvermə prosesini 30 minə yaxın müşahidəçinin izləyəcəyini yazıb.
Keçmiş deputat Gülər Əhmədovanın işilə bağlı məhkəmə prosesi başlayıb.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz