Azərbaycanın 50-dən çox jurnalisti Pərviz Həşimliyə dəstək bəyanatı imzalayaraq, onun dərhal azad edilməsini tələb ediblər.
Bəyanat müəlifləri beynəlxalq təşkilatları bu məsələni diqqətdə saxlamağa çağırırlar və xatırladırlar ki, onun vəkili Elçin Sadıqov artıq iki dəfə məhbusun yanına buraxılmayıb ki, bu, hüquq pozuntusudur.
Jurnalistlər hesab edirlər ki, Pərviz Həşimli MTN-də işgəncələrə məruz qalır, buna görə onu vəkili ilə görüşdürmürlər.
Eyni zamanda, Pərviz Həşimlinin həyat yoldaşı İlahə Həşimova prezident İlham Əliyevə və onun həyat yoldaşı Mehriban Əliyevaya, ombudsman aparatına, İşgəncələr Əleyhinə Komitənin sədri Elçin Behbudova həyat yoldaşının ən qısa zamanda azad buraxılmasına yardım etmək xahişi ilə müraciət edib.
Xatırladaq ki, Pərviz Həşimli sentyabrın 17-də silah qaçaqmalçılığı, həmçinin qanunsuz silah saxlamaq, əldə etmək və satmaq ittihamı ilə həbs edilib.
Bir müddət əvvəl o, doğmalarına və yaxınlarına bildirib ki, Təhlükəsizlik Nazirliyinin əməkdaşları onu hədələyərək, müxalif AXCP lideri Əli Kərimlinin əleyhinə bəyanatlar verməyi tələb edirlər. Lakin Həşimli bundan imtina edib və təzyiq haqqında ABŞ səfirliyinə məlumat verib. Bir müddət sonra o, həbs edilib. -16D04-
Cəmiyyət
-
2024-cü ilin iyul ayında Dövlət Sərhəd Xidməti tərəfindən dövlət sərhədini pozduqlarına görə 22 nəfər saxlanılıb. Onlardan 13-ü Azərbaycan, 3-ü Pakistan, 2-si İran, 2-si Mərakeş, 1-i Türkiyə, 1-i Banqladeş vətəndaşıdır.
-
Şuşa şəhərdaxili nəqliyyat üçün ilk sərnişin avtobusunu təqdim edib və bu, daha ekoloji təmiz şəhər nəqliyyat sisteminə doğru bir addım idi.
-
Cümə günü günorta saatlarında Bakı-Sumqayıt yolunda iki marşrut avtobusunun toqquşması nəticəsində 20 nəfər xəsarət alıb.
-
Bakıda avqustun 3-də yağıntı olmayacaq, şimal-qərb küləyi əsəcək. Havanın temperaturu gündüz +30+35 dərəcə, rütubət 45-55% təşkil edəcək. Ölkənin bəzi yerlərində yağıntılı olacağı, dağlıq ərazilərdə intensiv olacağı gözlənilir.
Rəy yaz