Rəsmi və iqtidaryönlü qəzetlər yenidən dövlət postunda qalan İlham Əliyevə ayrı-ayrı dövlətlərdən gələn təbrikləri, imzaladığı fərmanların mətnlərini dərc ediblər.
Bununla yanaşı bu qəzetlər Azərbaycanda prezident seçkilərinin nəticələrinə mənfi rəy verən dövlət və beynəlxalq qurumları “qərəzçilık və əsassızlıq”da ittiham edən məqalələr dərc ediblər.
“Azadlıq” qəzeti Milli Şuranın 27 oktyabr aksiyasında prezidentliyə namizəd Cəmil Həsənlinin xalqa və iqtidara “9 oktyabrdan sonrakı Azərbaycan ondan əvvəlki Azərbaycan deyil” mesajı göndərməsini manjetə çıxarıb.
“Avronest-də Azərbaycan nümayəndə heyətinin rəhbəri Elxan Süleymanovun Azərbaycanda prezident seçkilərinə mənfi rəyə görə Avropa Parlamentini şantaja məruz qoymasına cavab olaraq parlament prezident seçkilərini yenidən gündəmə gətirib.
Ekspertlər Qərblə qarşıdurmaya getməyin nəticə etibarilə rəsmi Bakının dünyadan təcrid edilməsinə səbəb olacağı proqnozunu veriblər.
ABŞ MDİ-nin keçmiş əməkdaşı Eli Loveli İ.Əliyevin yenidən dövlət postunda qalmasına “bir şəxsin şıltaqlığından asılı olan ölkədə uzunmüddətli sabitlikdən danışmaq olmaz” mövqeyini ifadə edib.
Ekspertlərin fikrincə, yeni müdafiə naziri Zakir Həsənov nazirlik daxilindəki qruplaşmalara qarşı mübarizə üçün ilk addım olaraq Baş Qərargah rəisi Nəcməddin Sadıxovu vəzifədən kənarlaşdırmalıdır.
AXCP sədri Əli Kərimlinin mühafizəçisi Bəhruz Həsənovun maşını bilərəkdən vurulub, bunu edən şəxslər üstəlik B.Həsənovu hədələməklə təxribata çəkirlər, polis isə həmin şəxslərə gücü çatmadığını bəyan edir.
“Yeni Müsavat” Milli Şuranın 27 oktyabr aksiyasını “yağmur altında möhtəşəm mitinq” adlandırır.
“Seçkilərin Monitorinqi və Demokratiyanın Tədrisi” İctimai Birliyi Azərbaycanda prezident seçkilərilə bağlı hökumət tərəfindən ələ alınan AŞPA müşahidəşçilərilə bağlı faktları Avropa Məhkəməsinə təqdim etməyi nəzərdə tutur.
Ölkənin perspektiv inkişafı haqda danışan Müsavat Partiyası başqanı İsa Qəmbərə görə Azərbaycan iqtidarının Avropadan üz döndərərək Rusiya layihəsi olan Avrasiya və Gömrük İttifaqına daxil olması imkanları yox dərəcəsindədir.
Qəzet “Naftalan” gəmisi vasitəsilə qanunsuz neft alverinə görə “Xəzərdənizgəmiçilik” birliyinin keçmiş rəisi Aydın Bəşirovun oğlunun həbs oluna biləcəyini nəzərə çatdırır.
Rusiyadakı azərbaycanlı miqrantlar Moskvada bazarların bağlanmasına səbəb olan iğtişaşlarda dövlət başçısı İlham Əliyevin qudası Araz Ağalarovun maraqlı şəxslər sırasında olduğunu söyləyiblər.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz