Rəsmi qəzetlər ölkə iqtisadiyyatı, bəzi qanunlara dəyişikliklər barədə fərmanların mətnlərini dərc ediblər.
“Pespublika” qəzeti 1918-20-ci illər Azərbaycan Demokratik Respublikasının qurucusu Məhəmmədəmin Rəsulzadə haqda irihəcmli məqalə dərc edib.
“Azadlıq” qəzeti PA rəhbəri Ramiz Mehdiyevin keçmiş müdafiə naziri Səfər Əbiyevə yeni vəzifə verilməsinin qarşısını alması iddiasını ilk səhifəyə çəkərək bunu “keçmiş nazirə zərbə” adlandırır.
Rəsmi Bakını insan haqları sahəsində ağır duruma görə tənqid edən “Freedom House”, “Amnesty İnternational” və “Human Rights Watch” beynəlxalq hüquq müdafiə qurumlarını ölkə iqtidarının “düşmən” elan etməsinə ekspertlər “iqtidar Stalin metodlarından istifadə etməklə özünü dalana dirəcəyəcək” şərhini veriblər.
Qəzetin iddiasına görə, Azərbaycan vətəndaşlarının Türkiyə vasitəsilə Suriyada döyüşmələrinə rəsmi Ankara mane olmadığından iki dövlət arasında münasibətlər gərginləşib.
Böyük Britaniyanın “Global Vitness” qurumu üzə çıxardığı ARDNŞ-nin “gizli” neft maqnatı Anar Məmmədovun barəsində araşdırmalarını davam etdirir.
Avtomobil alınmasına verilən kreditlərin dayandırılmasına toxunan ekspertlər bu faktın avtomobil bazarında ucuzlaşmaya səbəb olacağını bəyan edirlər.
Bələdiyyələrin 15 ildən artıq fəaliyyət göstərməsinə baxmayaraq, bələdiyyə torpaqları xəritələrinin hələ də olmamasına ekspertlər “iqtidar tamahı üzündən bu məsələni həll etmir” şərhini veriblər.
“Yeni Müsavat” Qarabağ cəbhəsində vəziyyətin nəzarətdən çıxa bilməsi təhlükəsi yarandığını ilk səhifəyə çıxararaq “müharibə hər an başlaya bilər” xəbərdarlığını edir.
Müsavat Partiyası Ağcabədi rayon təşkilatının sosial tələblərlə bağlı aksiyası rayon polisi tərəfindən zorakılıqla dağıdılıb, saxlanılan gənc fəallardan 3 nəfəri məhkəməyə çıxarmaq istəyirlər.
Xırdalanda yaşayış binası tikmək adı ilə “Hayan” tikinti şirkətinin aldatdığı 360 ailə etiraz aksiyası keçirib. Belə ki, bir mənzil 2, hətta 3-4 nəfərə satılıb.
Son günlər cəbhə bölgəsində durumun gərginləşməsinə toxunan ekspertlər “bunun arxasında Moskva dayanıb” şərhini veriblər.
Cəmiyyət
-
Bu il Aşura ilə əlaqədar ölkədə 35 ünvanda qanvermə məntəqələri təşkil olunub. Ötən il belə məntəqələrin sayı 16 olub. Bu barədə Dini Qurumlarla İş üzrə Dövlət Komitəsinin məlumatında deyilir.
-
Ölkənin ən böyük özəl mobil operatoru “Bakcell” tətbiqində yeni süni intellekt (AI) dəstəkli "Tarif Məsləhətçisi" funksiyasını istifadəyə verib. Bu innovativ alət, abunəçilərin zəng və internet ehtiyaclarını nəzərə alaraq onlara ən uyğun tarif planlarını tövsiyə edir.
-
İyulun 17-də Bakıda və Abşeronda yağıntısız isti hava şəraiti davam edəcək. Havanın temperaturu gündüz müsbət 32+37 dərəcə olacaq. Gündüz rütubət 40-45 faiz, gecə 60-65 faiz arasında olacaq.
-
Bu gün sosial şəbəkələrdə yayılan videoda polis zabitinin bir vətəndaşın cibinə narkotik maddə atdığı və onu saxladığı iddia edilir. İnsident ticarət mərkəzlərinin birində baş verib. Mülki geyimli şəxs bir nəfərə arxadan yaxınlaşaraq cibinə nəsə qoyur.
Rəy yaz