“Azadlıq” qəzeti Azərbaycanda RF prezidenti V.Putinin dostu kimi tanınan İlham Rəhimova ictimai-siyasi fəaliyyətlə məşğul olmaq yasağının tətbiq olunmasını manjetə çıxarıb.
Bir neçə gün öncə Priküşkül qəsəbəsi ərazisində 4 nəfərin ölümünə səbəb olan yol qəzasını Bakı şəhərinin polis rəisi Rafiq Abbasovun köməkçisi Ayəddin Abbasovun törətdiyi aşkar olub.
Ekspertlər ölkədə ilbəil artmaqda olan boşanmaların əsas səbəbi kimi ağır sosial-iqtisadi durumu göstəriblər.
AXCP üzvü Daşqın Məlikovun narkotik maddə ittihamı ilə həbsə alınmasını partiya “iqtidarın xalq etirazlarından təşvişə düşməsi” kimi dəyərləndirir.
YAP icra katibinin müavini Siyavuş Novruzovun mətbuat vasitəsilə keçmiş müdafiə naziri Rəhim Qazıyevə hədə-qorxu gəlməsinə hüquq müdafiəçisi Leyla Yunus “təmsli etdiyi partiyanın mahiyyətinə uyğun danışması” şərhini verib.
Erməni işğalı altında olan Şuşada talış dilində “Talışıstanın səsi” radiosunun fəaliyyətə başlamasını talış ziyalıları Azərbaycana qarşı təxribat sayıblar.
AXCP Ali Məclisinin sədri Həsən Kərimov partiyanın prezidentliyə namizədinin adının iyun ayında açıqlanacağını bəyan edib.
“Yeni Müsavat” Moskvada fəaliyyət göstərən şərti “milyarderlər ittifaqı” üzvlərinin açıqlamasında rəsmi Bakının narazılığına baxmayaraq, qurumun fəaliyyətinə “ictimai qurum yaratmaq Rusiyada yaşayan azərbaycanlıların haqqıdır” mövqeyini ifadə ediblər.
Həbsdə olan keçmiş deputat Gülər Əhmədova hərbi xidmətdə qolu sınaraq hospitala yerləşdirilən oğlu ilə görüş verilmədiyinə görə aclıq aksiyasına başlayıb.
“Gülərgeyt” qalmaqalında adı keçən və keçən ilin dekabrında Türkiyədə müəmmalı şəkildə vəfat edən Sevinc Babayevanın ölüm səsəbilə bağlı ekspertizanın nəticələri bəlli olsa da ictimiyyətə açıqlanmır.
Almaniyalı deputat Viola fon Kramon Azərbaycan idarəetmə sisteminə “təəssüf ki, Azərbaycan hələ də dağ qanunları ilə idarə edilir” mövqeyini bildirib.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz