Bundan sonra “Azəriqaz” yalnız ölkə daxilində qaz paylanması ilə məşğul olacaq. Bu, ARDNŞ strukturlarında növbəti dəyişiklikdən sonra baş verib.
ARDNŞ-dəki mənbələrdən Turan-a bəlli olub ki, şirkətin prezidenti R.Abdullayevin sərəncamı ilə “Azəriqaz” İB-nin üzərinə yalnız ölkə daxilində qaz paylanması vəzifəsi qoyulub. Qaz nəqli üzrə İB-nin tərkibindəki şöbə ARDNŞ Qaz İxracı İdarəsinə birləşdirilib.
Qaz İxracı İdarəsinin yeni rəisi keçmiş “qazçı” – “Azəriqaz” İB-nin sabiq baş direktor müavini Seyfullayevdir. Azəriqaz” İB-nin daha bir sabiq baş direktor müavini Nazim Səmədzadə onun müavini olub. Qaz İxracı İdarəsinin keçmiş rəisi Kamal Abbasov da müavin təyin edilib.
* ARDNŞ Qaz İxracı İdarəsi əməliyyyat şirkətlərindən qaz qəbulu üzrə məsuldur. O cümlədən “Şahdəniz” və AÇG layihələri çərçivəsində Səngəçalda Azərbaycana verilən qazı qəbul edir, ARDNŞ qazını xarici bazarlarda satır, Azərbaycan qazının alqı-satqısı üzrə sazişlərin həyata keçirilməsini təmin edir.
** “Azəriqaz” İB 1 iyul 2009-cu ildə ARDNŞ-yə birləşdirilib. 1 mart 2012-ci il üçün “Azəriqaz”ın 1 mln 520 min abunəçisi olub. İB daxili bazarda 9 mlrd m3 qaz paylayır. Bunun 5,5 mlrd m3-i "Azərenerji"yə verilir. 2012-ci ildə nəql və paylanmada texniki qaz itkisi 8,5% olub. --12B--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz