Abşeron rayonu Masazır kəndində Qır gölü adlanan ərazidə Nazim Əsədov küçəsində torpaq sürüşməsi davam edir. Sürüşmə 100-120 metr uzunluğunda 50-60 metr enində ərazini əhatə edir. Hazırda bir evin uçmaq təhlükəsi var. Evin sakinləri köçürülüb. Bu barədə Turan-a Masazır bələdiyyəsinin sədri Siyənfər Əliyev bildirib.
Fövqəladə Hallar, Ekologiya və Təbii Sərvətlər Nazirliyinin ekspertləri sürüşmə zonasına baxış keçirib, nümunələr götürüblər. Sürüşmənin əsas səbəbi yeraltı sulardır.
Bələdiyyə sədri bildirib ki, sürüşmə ərazisində 200-ə yaxın ev var. İlkin anlarda 5 ev üçün təhlükə yaranmışdı. Artıq 4 ev üçün təhlükə aradan qaldırılıb.
Onun sözlərinə görə, sürüşmə təhlükəsi ötən ilin avqustunda da yaranıb. Lakin yerli bələdiyyə sürüşmə ərazisinə 90 maşın daş-çınqıl töküb, bərkitmə işləri aparıb. “Sürüşmə davamlı proses aldığından qarşısını almaq yerli bələdiyyənin gücündə deyil”, - o qeyd edib. -03B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz