Rəsmi qəzetlər dövlət başçısı İlham Əliyevin Rusiya LDP sədri Vladimir Jirinovskini qəbul etməsini ilk səhifələrdə yerləşdiriblər.
“Azadlıq” qəzeti Xəzərətrafı ölkələrin bu dənizə regiondankənar dövlətlərin hərbi qüvvələrinin buraxılmaması haqda razılığa gəlmələrini ilk səhifəyə çıxararaq bunu “rəsmi Bakının Qərbə qarşı Rusiya ilə anlaşması” kimi dəyərləndirir.
Jurnalist Xədicə İsmayıla həbs olunacağı barədə xəbərdarlıq edilməsini qəzet “Xədicə İsmayıla qarşı Leyla Yunus “ssenarisinin işə salınması” adlandırır.
Rəsmi Bakının ehsana qadağalar qoyması ilə bağlı “Tövbə” Cəmiyyətinin sədri Hacı Əbdül Dini Komitənin sədri Mübariz Qurbanlının ünvanına “vəhabilərin yolunu getməsi” bəyanatını səsləndirb.
Ölkə vətəndaşlarına sayğı göstərmədiyinə görə rəsmi Bakının dünya birliyinin danlağına tuş gəldiyini yazan qəzet “hakimiyyəti “pis uşaq” imicini inkişaf etdirməkdə suçlayır.
“Ekspress” rəsmi Kremlin Xəzərin səthinin sektorlara bölünməməsi istəyini önə çəkərək Moskvanın Xəzəri ümumi göl saymasına diqqət çəkir. RF prezidentinin köməkçisi Yuri Uçakov Həştərxan sammitində Xəzərin hüquqi statusu ilə bağlı siyasi bəyanat qəbul ediləcəyi barədə açıqlama verib.
“Novoe Vremya” ABŞ prezidenti Barak Obamanın Azərbaycanın ünvanına olan tənqidlərinə rəsmi Bakının reaksiyalarının dayanmamasını “Barak Obamanın sözlərinin rəsmi Bakıya toxunması” kimi dəyərləndirir.
Parisdə baş tutacağı gözlənilən Əliyev- Sarkisyan görüşünü mənasız sayan qəzet “Paris görüşü kimə faydalıdır?” sualını gündəmə gətirir.
“Bizim yol” Əliyevlə Putin arasında “mühüm görüş”ün planlaşdırılması haqda xəbəri önə verib.
Qərbin Rusiyaya sanksiyaları ilə bağlı Azərbaycan Neft Fondunun maliyyə vəsaitlərinin Rusiyaya cəlb edilməsi səylərinə ekspertlər “buna yol vermək olmaz” xəbərdarlığını ediblər.
“Yeni Müsavat” Müsavat Partiyasının VIII qurultayının keçirilməsilə bağlı xəbərləri ilk səhifəyə verib.
AŞPA nümayəndə heyəti tərkibində sentyabrın 24-də siyasi məhbus Tofiq Yaqublu ilə görüşən deputat Səməd Seyidov ondan AŞPA təmsilçilərilə Qaqabağ haqda danışmağı xahiş etsə də T.Yaqublu insan haqları barədə danışıb.
Bəzi ekspertlər Rusiya siyasətinin təlxəyi Jirinovskinin Bakı səfərinə “Rusiyanın ultimativ mesajlarının rəsmi Bakıya bu şəxsin dililə çatdırması” şərhini veriblər.
Şəhidlər Xiyabanında təhqiramiz hərəkətlərə yol verən şəxsin işi prokurorluqda araşdırılır, bu adamı 2 il islah işi, 5 ilə kimi həbs cəzası gözləyir.
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz