Rəsmi qəzetlər dövlət başçısı İlham Əliyevin Dağıstan prezidenti Ramazan Abdullatipovu qəbul etməsi, yeni yolun açılışında iştirak etməsi haqda xəbərləri ilk səhifələrə çıxarıblar.
“Azadlıq” qəzeti hökumət dairələrinin haqsızlığı üzündən Qarabağ qazisi Zaur Həsənovun intihar həddinə çatdırılmasına etiraz olaraq Qarabağ qazilərinin şənbə gününə akisya təyin etməsi xəbərini manjetə çıxarıb.
Vəkil Aslan İsmayılov deputat və ölkə həmkarlar qurumunun başçısı Səttar Mehbalıyevi “vətəndaşın əmlakını zorla əldən almaq tendensiyasının əsasını qoyan şəxs ” ittihamına məruz qoyub.
Dövlət başçısı İlham Əliyevi “ilin dövlət adamı” elan edən və rəsmi Bakının “nüfuzlu” adlandırğı “VİOAS” jurnalının son yenilənməsi 2011-ci ildə baş verib və bu səhifəni cəmi 4 (!!!) adam oxuyub.
Qəzet “Binə” Ticarət Mərkəzində mağazaları yanan icarədarlara hələ də kompensasiyanın verilmədiyini bildirir.
“Zerkalo” dövlət başçısı İlham Əliyevin baldızı Nərgiz Paşaevanın sahibi olduğu deyilən restoranda bu ilin aprelində dava-dalaş olması, buna görə Bəylər Əyyubovun yaxınlarının həbsə alınması xəbərlərinə N.Paşayevanın rektoru olduğu MDU-nun Bakı filialı “bu restoran N.Paşaevanın deyil” açıqlamasını yayıb.
“Ekspress” Dövlət Neft Fondunun 30 ton qızıl aldığını, 12 ildə Fonda neft müqaviləsindən 95 milyard dollar vəsaitin daxil olduğunu önə çəkib.
“Novoe Vremya” Qarabağ qazisi Zaur Həsənovun özünü yandırmasına səbəb olan haqsızlıq barədə “Bir özünüyandırmanın tarixi” açıqlamasını yayıb.
“Bizim yol” yazır ki, özünü yandıran Qarabağ qazisi Zaur Həsənova məxsus torpaq sahəsini əlindən almaq üçün deputat Səttar Mehbalıyev onun başına torba keçirtdirərək villasına apartdırmasını ilk səhifəyə çəkib.
Qəzet ekspertlərə istinadən 2014-cü ildə SOCAR-da 40% ixtisar olacağını bildirir.
“Yeni Müsavat” Qarabağ qazisi Zaur Həsənovun rəsmi haqsızlıq üzündən özünü yandırmasına etiraz olaraq Qarabağ qazilərinin şənbə gününə “Qaziləri yandırma!” aksiyası təyin etməsi xəbərini ilk səhifəyə çıxarıb.
ARDNŞ-nin Masazırda çəkdiyi yeraltı qaz kəmərinin keyfiyyətsizliyi üzündən ölüm və xəsarətlə müşayiət edilən dalbadal 4 partlayış olduğunu yazan qəzet bu xətti “ARDNŞ-nin ölüm maşını” adlandırır.
Qəzetin yazdığına görə, nazirlər Zakir Həsənov və Əli Abbasovun qohumları Bakı aeroportunda kütləvi dava ediblər.
“Balıq Hafiz”in Milli Şura rəhbərliyinin fizki məhvi üçün partiyasının qərar qəbul etməsi bəyanatına Şura sədri Cəmil Həsənli “səsi Hafiz Hacıyevdən çıxsa da biz siyasətçilərin taleyi yüksək dairələrdə həll edilir” cavabını verib.
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz