Mətbuat-Monitorinq 28-29.09.14

Rəsmi qəzetlərdə Rusiya LDP sədrinin Azərbaycana səfəri fonunda Rusiya-Azərbaycan əlaqələrinin inkişafı mövzusu ilk səhifələrdə yer slıb.

“Azadlıq” qəzeti RF XİN başçısı K.Lavrovun ABŞ ilə əlaqələri normallaşdırmaq istəməsi bəyanatını RF-nin ABŞ qarşısında geri çəkilməsi sayaraq ilk səhifəyə çıxarıb.

Qəzetə görə, Qərblə rəsmi Bakı arasındakı qarşıdurma hakimiyyətdə ruspərəstlərin mövqelərini möhkəmlədib. Müxalif siyasətçilər Rusiya LDP sədri Jirinovskinin Bakı səfərini “iqtidarın daxili və xarici siyasətinin iflas göstəricisi” kimi sərh ediblər. RF-nin Kremlin Xəzərin milli sektorlara bölünməsinə qarşı olmasını ekspertlər “Rusiyanın Xəzərə tam sahiblik iddiası” sayıblar. RF rəhbərliyi kimi rəsmi Bakının da sosial şəbəkələrə qadağa tətbiq edə bilməsi ehtimallarına ekspertlər “bunu gözləmək olar” cavabını veriblər.

Rəsmi Bakının ABŞ prezidenti Barak Obamanın Azərbaycanın ünvanına kəskin tənqidindən sonrakı davranışını qəzet “Qərb və yerli demokratların hədəfə alınması” adlandırır.

Müxalif qüvvələr kütləvi aksiylara hazırlaşmalarını “ölkədəki mövcud durumun aksiyaların keçirilməsini vacib etməsi” ilə əsaslandırıblar.

Tanınımış jurnalist Xədicə İsmayılın həbs olunacağı ilə bağlı hüquq-mühafizə orqanlarından mesaj almasını ictimai fəallar “repressiyaların davam etməsi” adlandırırlar.

Müsavat Partiyası sədrliyinə namizədlərdən Qubad İbadoğlu sədr seçkilərində qərəz olduğunu deyərək onun nəticələrini şübhə altına alıb.     

“Yeni Müsavat” qəzeti rəsmi Bakının bir neçə il öncə ölkəyə buraxmadığı, hazırda ABŞ dövlət katibi Kerrinin insan haqları üzrə müavini Con Melianın yenidən Bakıya gəlməyə hazırlaşmasını ABŞ-Azərbaycan münasibətləri üçün test adlandırır.

Hüquq müdafiəçisi Vidadi İsgəndərliyə görə, Göyçayda bələdiyyə sədri Mahmud Şıxməmmədvoun bir neçə həftə öncəki intiharına səbəbə külli kiqdarda rüvşət tələbi olub.