Mətbuat-Monitorinq 28.05.13

Rəsmi və hökumətyönlü qəzetlər dövlət başçısı İlham Əliyevin Xalq Cümhuriyyətinin şərəfinə ucaldılan abidəni ziyarət etməsi haqda yazır.   

“Yeni Azərbaycan” qəzeti isə müxalifətin aparıcı qüvvələrinə, hüquq müdafiəçisi Leyla Yunusa qarşı təhqir, böhtan və iftira dolu məqalələr dərc edib. 

“Azadlıq” qəzeti yaydığı video-materiallarla iqtidarı ifşa edən keçmiş rektor Elşad Abdullayevin qardaşı Mahir Abdullayevin DİN-in vəzifəli şəxslərinin göstərişilə oğurlanması haqda xəbəri manjetə çıxarıb.

Ölkənin etiraz elektoratını ətrafında birləşdirməyi hədəfləyən Milli Şuraya daxil olacaq şəxslərin siyahısının son variantı üzərində iş gedir.   

Avropa Şurasının komissarı Nils Muyjnieks iqtidarın müxalifətin mərkəzi parklarda aksiyalarına qadağa qoymasına “parklar həm də müxalifətə məxsusdur” bəyanatını səsləndirib.

Hüquq müdafiəçisi Elçin Behbudov Zaqatala rayonundakı vəhabilərin Suriyadan maliyyələşdikləri və dövlət üçün təhlükəli olduqları barədə xəbərdarlıq edib.

“Zerkalo” Avropa Komissarı N.Muyjnieksin rəsmi Bakını kəskin tənqid etməsini Azərbaycanda insan haqları ilə bağlı situasiyadan narazı qalması kimi şərh edir. 

İranda həbsdə olan Azərbaycan ədəbiyyatşünası Xalidə Xalidin və sürücüsünün azad olnması haqda İran mətbuatındakı xəbərlərə baxmayaraq, hələ də buraxılmayıblar.

“Ekspress” AŞPA prezidenti Jan-Klod Minyonun Qarabağ münaqişəsinin 2013-cü ildə həll olunacağına dair bəyanatına “superoptimist Minyon” mövqeyini ifadə edir. 

“Bizim yol”  ölkənin etiraz elektoratını ətrfında birləşdirməyi hədəfləyən Milli Şuranın bu gün elan olunmasının baş tutmadığını ilk səhifəyə səhifəyə çıxarıb.

Qəzet yazır ki, Azərbaycandan ABŞ universitetlərinə tələbə mübadiəsini rəsmi Bakı Belarus universitetləri ilə əvəzləyib. 

Dağistanda fəaliyyət göstərən, Azərbaycana münasibətdə separatçı “Sadval” hərəkatının Rusiya kəşfiyyatı ilə əlaqələrini təsdiqləyən sənəd dərc edilib və əsasən azərbaycanlılardan ibarət şərti “milyarderlər ittifaqı”na rəsmi Kremldən bu separatçıları maliyyələşdirmək əmri verilib.      

“Yeni Müsavat”  yüksək rütbəli ABŞ diplomatına istinadən “Rusiyanın Azərbaycanda hakimiyyət çevrilişinə getməsi” kimi sensasion bəyanat yayıb.

Naxçıvan parlamentinin başçısı Vasif Talıbovun və qardaşının Gürcüstandakı biznesinə müdaxilə olduğunu yazan qəzet bunu “Talıbovların Batumidəki milyonlarının batması” kimi dəyərləndirir.

“Bakı Xəbər”  ölkənin tikinti bazarında torpağın, tikinti materiallarının və evlərin xeyli bahalaşacağını yazaraq bunu “tikinti bazarına böyük fəlakətin gəlməsi” adlandırır.