Rəsmi və iqtidaryönlü qəzetlər dövlət başçısı İlham Əliyevin Rusiyanın Həştərxan vilayəti qubernatorunun başçılıq etdiyi nümayəndə heyətini qəbul etməsi haqda xəbəri ilk səhifələrə çıxarıblar.
“Azadlıq” qəzeti ARDNŞ prezidenti Rövnəq Abdullayevin gəlirli qurumları nəzarətə götürdüyünə görə digər olirqaxların hədəfinə gəlməsini ilk səhifəyə çıxarıb.
KİV-ə Dəstək Fondunun “Azadlıq” qəzetinə miliyyə ayırmamasını qəzet rəhbərliyi “bu media orqanını susdurmaq yolunda davam edən kampaniyanın tərkib hissəsi” kimi dəyərləndirib.
İqtidarın müxalifət partiyalarına təzyiqləri barədə yazan qəzet Müsavat Partiyası Naxçıvan təşkilatı Babək rayon bölməsinin sədri Mehdi Niftəliyev narkotik maddə ittihamı ilə şərlənərək həbsə alınıb.
Əmək və Əhalinin Sosial Müdafiəsi Nazirliyi ünvanlı sosial yardımlaırn verilməsi və kimlərə verilməsi sahəsində araşdırmalara başlayıb.
“Şərq tərəfdaşlığı” sammitində Azərbaycanın gömrük sazişini imzalamayacağını ekspertlər “ölkənin oliqarxların maraqlarından asılı olması” ilə izah ediblər.
“Ekspress” bu günlərdə Zaqatalada 3 ölümlə müşayiət edilən atışma haqda yazan qəzet atışanların narkotacirlər olduğunu, buna görə artıq 8 nəfərin həbsə alındığını qeyd edir.
Ölkə parlamenti hərbi çağırışa yaş həddinin indiki 35 yaşdan 40 yaşa qaldırılmasına hazırlaşır.
“Exo” qəzeti ekspertlərə istinadən nizamnamə kapitalını 50 milyon manata çatdıra bilmədikləri üçün ən azı 5 bankın bu sektoru tərk edəcəyini nəzərə çatdırır.
“Novoe Vremya” Avropa İttifaqı komissarlarının Azərbaycanda demokratiyanın inkişaf etməkdə olması haqda bəyanatlarına ironik “Qarımış Avropanın iybilmə qabiliyyətini itirməsi” mövqeyini ifadə edir.
“Bizim yol” ekspertlərə istinadən Rusiyada miqrantlara basqınların Avropa İttifaqı ilə Rusiya arasındakı münasibətlərin nəticəsi sayaraq olaya “geosiyasi müharibənin qurbanları” mövqeyini bildirir.
“Yeni Müsavat” gənclər və idman naziri Azad Rəhimovun oğlunun, mədəniyyət naziri Əbülfəz Qarayevin isə bacısıoğlunun Zağulba yolunda “avtoşluq” edərkən saxlandığını önə çəkib.
Bu gün Vilnusdə keçirilən “Şərq tərəfdaşlığı” sammitində Azərbaycanın yalnız sadələşdirilmiş viza rejimilə bağlı sazişi imzalayacağı gözlənilir. Assosiativ üzvlük, gömrük sazişlərinin imzalanmamasına gəlincə, bəzi ekspertlər bunu “oliqarxların maraqlarına cavab verməməsi”, bəzilərisə “Azərbaycanı Rusiyanın zərbəsi altına qoymamaq” kimi şərh edirlər.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz