Kosovonun alban hakimiyyəti Serbiya hakimiyyətinin iddiasına zidd olaraq "Cənub axını" kəmərinin tikintisində iştirak niyyətində deyil, deyə Kosovo XİN rəhbəri Ənvər Xoca Albaniyanın Top Channel telekanalına bildirib.
RİA Novosti bildirir ki, Kosovo albanları 2008-ci ildə birtərəfli qaydada Serbiyadan müstəqillik elan edib. Belqrad bu ölkənin müstəqilliyini tanımır, amma Avropa İttifaqının təzyiqi ilə münasibətləri normallaşdırmaq üçün danışıqlar aparır.
Ötən bazar Serbiyanın baş naziri İvitsa Daçiç bəyan edib ki, "Cənub axını" kəmərindən Kosovoya şaxə çəkilməsi planlaşdırılır. Onun sözlərinə görə, bu imkan Brüsseldə müzakirə edilib.
Ənvər Xoca isə bildirir ki, Brüsseldə Kosovonun TAP-a qoşulması imkanı müzakirə edilib.
TAP layihəsi Xəzər qazını Yunanıstan, Albaniya, Adriatik dənizi vasitəsilə İtaliyanın cənubuna, ordan Balkan ölkələrinə çatdırmağı nəzərdə tutur. Əsas qaz mənbəyi “Şahdəniz 2”dən çıxarılan qaz olacaq. Kəmərin ilkin gücü ildə 10 mlrd m3 olacaq. –0--
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz