Rəsmi qəzetlər dövlət başçısı İlham Əliyevin Müdafiə Nazirliyi sistemində olan xüsusi təyinatlı təhsil müəssisələrinin fəaliyyətinin təkmilləşdirilməsi hadqa” sərəncamının və bəzi fərmanlarının mətnlərini ilk səhifələrdə yerləşdiriblər.
“Azadlıq” qəzeti valyutadəyişmə məntəqələrində dolların satılmaması, “qara bazar”da dolların dəyərinin 2 manata qalxmasını hökumətin üçüncü devalvasiyaya getməsi kimi dəyərləndirir və yaxın günlərdə üçüncü devalvasiyanın baş verəcəyi deyilir. Devalvasiyanın fəsadı olaraq “AZİNQRUP” MMC, “Evrascon” ASC kimi özəl şirkətlərdə maaşların verilə bilməməsi problemi yaranıb, avtomobil satışı, gül biznesi sahələri tənəzzül həddinə yaxınlaşıb.
Müşfiqabad qəsəbəsindəki N saylı hərbi hissənin taqım komandiri Ədalət Qasımov hərbi hissədə yoxlama aparan polkovnik Etibar Əsgərovun şəxsi heyət önündə onu təhqir etməsinə cavab olaraq özünü güllələyib, zəbitin vəziyyəti ağırdır.
Siyasi bəyanat yayaraq prokurorluq sistemindən istefa verən müstəntiq Rüfət Səfərov rəsmi Bakıya Qərblə qarşıdurma siyasətindən əl çəkərək ölkənin taleyi barədə düşünmək çağırışı edib.
Niderland Krallığında keçmiş konsul Nahid Cəfərov ölkə diplomatlarına “siz də bilirsiz ki, bu hökumət içindən çıxdığınız xalqı deyil, yalnız özünü düşünür” çağırışı edərək onları hökumətə xidmət etməkdən imtinaya səsləyib.
Keçmiş MTN-in Antiterror Mərkəzinin rəisi general Elçin Quliyevin həbsinə əsaslanan qəzet faktı keçmiş nazir “Eldar Mahmudovun başı üzərində “buludların sıxlaşması” adlandırır.
Qəzetdə MTN əməkdaşlarının təqiblərinə məruz qalmaları ilə bağlı bəzi iş adamlarının açıqlamaları yer alıb.
“Yeni Müsavat” 2016-cı ildən Azərbaycanın Qərblə yaxınlaşmaq siyasəti yürütməsini önə çəkərək bunu “Qərbin yanında yer almalı-qurtuluş düsturu” kimi dəyərləndirir.
Naxçıvanda MTN ləğv edildikdən və keçmiş nazir Vəli Əsgərov nəzarətə götürüldükdən sonra Naxçıvanda yerləşən Əlahiddə Ümumqoşun Ordusunun komandanı Kərəm Mustafayevin qardaşı Nemət Mustafayev həbs edilib.
Qəzet “MTN işi” ilə bağlı 30 nəfərin həbsə alındığını, 100 nəfərə yaxın şəxsin cinayət məsuliyyətinə cəlb edildiyini, gələn il həbslərin sayının daha da artacağını qeyd edir.
Rusiyanın “Rossiya 24” telekanalındakı verilişdə ABŞ-ın Azərbaycanı “Şər oxu” ölkələri sırasına daxil etməsi haqda düşüncələri politoloq Hikmət Hacızadə əsassız adlandırıb və Rusiyanın bu mövqeyinin ABŞ-Azərbaycan münasibətlərini pozmasına çalışması kimi dəyərləndirib.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz