Mətbuat-Monitorinq 29.01.14

Müstəqil və müxalif qəzetlər “Meşə qardaşları” və “Ceyşullah” terror təşkiltlarının Azərbaycanı terrorla hədələməsin diqqət mərkəzinə çəksələr də rəsmi mətbuat buna sükutla yanaşıb. 

Rəsmi qəzetlər ölkənin iqtisadi həyatı, beynəlxalq əlaqələrinin güclənməsi haqda yazılara yer veriblər. 

“Azadlıq” qəzeti “Meşə qardaşları” və “Ceyşullah” terror təşkilatlarının Azərbaycanda tezliklə “cihad”a başlayacaqları barədə bəyanat yaymalarını, MTN-nin bu hədələrə reaksiya verməsini önə çəkib.

Milli Şuranın sədri Cəmil Həsənli ADR-in qurucusu Məhəmmədəmin Rəsulzadənin 130 illik yubileyilə bağlı rəsmi Bakının sərəncam imzalasa da hər hansı tədbir keçirməməsinə görə sənədi “görüntü yaratmaq” adlandırıb. 

Ölkə məhkəmələrində polis və MTN əməkdaşlarının hal şahidi olmaları kimi “təcrübə”nin geniş yayılmasını hüquqşünaslar “qorxulu hal” adlandırıblar. 

Azərbaycan vətəndaşlarının Suriyada döyüşlərə cəlb edilməsinə toxunan ekspertlər bunun arxasında ciddi şəbəkənin dayandığını iddia ediblər.

“Zerkalo” son vaxtlar cəbhə bölgəsində atəşkəs rejiminin aramsız pozulmasını “Bakı və İrəvanın bir-birini qorxutması” kimi dəyərləndirir.

Qəzet Suriyada yaraqlılar tərəfindən rəsmi Dəməşqə qarşı vuruşan daha 3 nəfər Azərbaycan vətəndaşının öldürüldüyünü bildirir. 

“Ekspress”  rəsmi Dəməşqə qarşı yaraqlılar tərəfindən döyüşlərə qatılan 250 nəfər azərbaycanlının öldürüldüyünü və bu şəxslərin əsasən Qax, Zaqatala, Şəki, Sumqayit, Tərtər və Naxçıvandan olduqlarını nəzərə çatdırır. 

Milli Məclisin deputatı Qalib Salahzadə icra başçılarını bələdiyyələrin düşməni adlandırıb.

“Exo” ekspertlərə istinadən ölkə vətəndaşlarının gəlirlərinin 3-4%-ni kommunalı xidmətlərə məsrəf etdiklərini yazır. 

“Novoe Vremya”  ölkədə insan haqlarının pis durumda olmasının AŞPA-da müzakirə edilməsi cəhdinə deputat Səməd Seyidovun “kimlərinsə bu məsələni siyasiləşdirməsi” bəyanatının mənasızlığına “insan haqlarını kim siyasiləşdirir?” mövqeyini ifadə edir.

“Bizim yol” “Meşə qardaşları” və “Ceyşullah” terrorçu təşkilatlarının Azərbaycanı terrorla hədələrini və MTN-nin “zəruri qabaqlayıcı tədbirlər həyata keçirilir” şərhini manjetə çıxarıb.

“Yeni Müsavat”  “Meşə qardaşları” və “Ceyşullah” terror təşkilatlarının Azərbaycanı terrorla hədələməsini və ekspertlərin “bu hədələrin arxasında ciddi planlar durur” şərhini ilk səhifəyə çıxarıb.

Narkotik maddə kimi saxta ittiham ilə həbsə alınan gənc ictimai fəal Ömər Məmmədovun yaxınları onun həbsinə əsl səbəb kimi sosial şəbəkələrdəki fəallığını göstəriblər.

İran mətbuatı Güney Azərbaycan türklərinin ana dilində təhsil ala biləcəkləri kimi  sensasion məlumatlar yayaraq hətta bununla bağlı rəsmi  Tehranın qərar qəbul etdiyini də nəzərə çatdırır. 

Tələbə Qəbulu üzrə Dövlət Komissiyasının sədri Məleykə Abbaszadə 2013-cü ilin qəbul imtahanlarının nəticələrinə görə pis qiymət alanların sayının artdığını bildirib.

Ekspertlər rəsmi Bakının fevral ayından yeni bahalaşmaya hazırlaşdığını bildirərək 2014-cü ili “yoxsulluq ili” adlandırırlar.   Xətai rayonunda yerləşən kitabxana bağlanıb, kitabxana binası “Topaz” qumar oyunlarının təşkilatçılarına verilib.