![Vəkil Xalid Bağırov: Ömər Məmmədovun həbsi siyasi motivlidir](https://turan.az/resized/media/2014/main/012800067183-750-500-resize.webp)
Vəkil Xalid Bağırov: Ömər Məmmədovun həbsi siyasi motivlidir
Vəkil Xalid Bağırov bu gün istintaq təcridxanasında narkotikdən qanunsuz istifadə ittihamı ilə həbs edilmiş gənc fəal Orxan Məmmədovla görüşüb.
Bağırovun Turan-ın müxbiri ilə söhbətində verdiyi məlumata görə, Məmmədov ona qarşı irəli sürülmüş ittihamlar təkzib edir.
Gənc yanvarın 24-də stamotoloji poliklinikadan çıxarkən saxlanılıb və mülki geyimli şəxslər tərəfindən tutularaq DİN-in Narkotiklərə qarşı Mübarizə İdarəsinə aparılıb. İstintaqın məlumatına görə, onun üzərindən guya 6 qr. heroin götürülüb.
Lakin Məmmədov bildirib ki, narkotik onun üzərinə qəsdən atılıb. Geyimində axtarış vəkil olmadan aparılıb. İlk dindirmə zamanı o, hətta dövlət vəkilindən məhrum edilib.
Bu zaman gəncə fiziki təzyiq göstərilib.
Bununla belə, vəkilin sözlərinə görə, Məmmədov sınmayıb və hüquqlarını müdafiə etmək niyyətindədir.
O bildirib ki, həbs ediləcəyinə hazır idi, belə ki, bundan əvvəl İnternetdə sosial şəbəkələrdə nəşrlərinə görə təzyiqə məruz qalıb.
Bağırov Məmmədovun işini analoji ssenari və ittiham maddəsi ilə həbs edilmiş bloger Abdulla Əbilovun işi ilə müqayisə edib.
Hər iki gənc facebook-da hakimiyyətin tənqidi yer alan səhifələrin administratorları idi.
Məmmədovun həbsindən apellyasiya şikayəti verilib.
Ömər Məmmədov “Axın” gənclər hərəkatının rəhbəri və Vətəndaş Həmrəyliyi Partiyasının üzvüdür. O, yanvarın 24-də saxlanılıb və növbəti gün məhkəmə Məmmədov barəsində üç ay müddətinə həbs qətimkan tədbiri seçib.
19 yaşlı Məmmədova qarşı 234.4.3-cü (narkotik maddələrin qanunsuz saxlanılması və ticarəti) maddə ilə ittiham irəli sürülüb. O, 12 ilədək azadlıqdan məhrumetmə cəzasına məhkum edilə bilər.
Məmmədov İnternetdə sosial şəbəkələrdə fəal idi və xüsusən “AzTV-dən seçmələr” (https://www.facebook.com/pazaztv?fref=ts) səhifəsinin administratorlarından biri idi. Bu səhifədə hakimiyyətin nöqsanlarını ələ salan karikaturalar, kollajlar, şərhlər yer alırdı. -06B-
Cəmiyyət
-
Bu il Aşura ilə əlaqədar ölkədə 35 ünvanda qanvermə məntəqələri təşkil olunub. Ötən il belə məntəqələrin sayı 16 olub. Bu barədə Dini Qurumlarla İş üzrə Dövlət Komitəsinin məlumatında deyilir.
-
Ölkənin ən böyük özəl mobil operatoru “Bakcell” tətbiqində yeni süni intellekt (AI) dəstəkli "Tarif Məsləhətçisi" funksiyasını istifadəyə verib. Bu innovativ alət, abunəçilərin zəng və internet ehtiyaclarını nəzərə alaraq onlara ən uyğun tarif planlarını tövsiyə edir.
-
İyulun 17-də Bakıda və Abşeronda yağıntısız isti hava şəraiti davam edəcək. Havanın temperaturu gündüz müsbət 32+37 dərəcə olacaq. Gündüz rütubət 40-45 faiz, gecə 60-65 faiz arasında olacaq.
-
Bu gün sosial şəbəkələrdə yayılan videoda polis zabitinin bir vətəndaşın cibinə narkotik maddə atdığı və onu saxladığı iddia edilir. İnsident ticarət mərkəzlərinin birində baş verib. Mülki geyimli şəxs bir nəfərə arxadan yaxınlaşaraq cibinə nəsə qoyur.
Rəy yaz