2013-cü ildə Azərbaycanda 22 891 cinayət qeydə alınıb, onların 20 465-i və ya 91,4%-i DİN və prokurorluq orqanları tərəfindən tədqiq edilib. Bu barədə Ramil Usubov yanvarın 28-də DİN-in ötən ilin yekunlarına həsr olunmuş kollegiya iclasında bildirib.
Ölkə üzrə cinayətlərin 86%-i böyük ictimai təhlükə təşkil etməyib və az ağır olub.
DİN və prokurorluq tərəfindən araşdırılan cinayətlərin 85,4%-nin üstü açılıb.
Nazir polis sıralarında korrupsiyaya qarşı mübarizə məsələlərinə diqqət çəkib. Korrupsiya hüquqpozmaları ilə bağlı 66 fakt üzrə intizam məsuliyyətinə cəlb edilmiş 106 polis əməkdaşından 84-ü xidmətdən kənarlaşdırılıb, 20-nin rütbəsi kiçildilib, 2-si cərimə edilib.
Bundan başqa, 341 polis əməkdaşı barəsində müvafiq cəzalar tətbiq edilib. O cümlədən 118 nəfər barəsində vətəndaşlara qarşı kobud davranma, 53 nəfər barəsində əsassız həbs etmə, 28 nəfər barəsində əsassız olaraq polisə gətirməyə görə tədbir görülüb.
Nazirin iddiasına görə, döymə, işgəncə, qanunsuz axtarış aparma, tabel silahından qanunsuz istifadə halları qeydə alınmayıb. -06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz