Mətbuat-Monitorinq 29.10.13

Rəsmi və iqtidaryönlü qəzetlər yenidən dövlət başçısı postunda qalan İlham Əlyevin Avropa İttifaqının Cənubi Qafqaz nümayəndəsini, Avropa Olimpiya Oyunları Komitəsinin prezidenti və komitə üzvlərini qəbul etməsi haqda xəbərləri ilk səhifələrə çıxarıblar.  

“Azadlıq” qəzeti Azərbaycanda prezident seçkilərinə mənfi rəy verən Qərb dövlətləri və beynəlxalq qurumlara PA-nın rəhbəri Ramiz Mehdiyevin cavabına  Milli Şuranın sədri Rüstəm İbrahimbəyov “bu məntiqsizlikdir və bu addımların gələcəyi çox pis olacaq” şərhini verib. 

AXCP sədri Əli Kərimli “Azadlıq” qəzetini ağır durumdan çıxarmaq üçün başlanan “ictimai dəstək” kampaniyasında iştirak edib. Yasamal Rayon Məhkəməsi qərarların icra şöbəsi qəzetin “Binə” Ticarət Mərkəzinə 32 min manat borcu ödəməməsi adı ilə “Azadlıq” qəzetinə qarşı məhkəmə qərarlarının icrasından yayınmaq iddiası qaldırıb.   

Həbsdə olan keçmiş səhiyyə naziri Əli İnsanov Milli Şuranın vahid namizədi Cəmil Həsənli ilə yeni qurum yaratmaq arzusunu ifadə edib.

Müdafiə Nazirliyi sistemindəki kadr dəyişikliklərinə toxunan qəzet bu sürətli dəyişiklikləri nazir Zakir Həsənovun yox, PA rəhbərinin müavini general Vahid Əliyevin iradəsi hesab edir. 

Moskvada əksəri azərbaycanlılar olan “Sadovod” Ticarət Mərkəzində Moskva OMON-u əməliyyat keçirib, “İzmaylov” bazarının azərbaycanlı sahibi həbs edilib, Orxan Zeynalovun həbsindən sonra 100-dən çox azərbaycanlı Rusiyadan deportasiya olunub. 

“Zerkalo” Azərbaycanla Qərb arasındakı münasibətləri “soyuq müharibə” dövrü kimi dəyətrləndirir və bu “müharibə”ni Qərbin yox, rəsmi Bakının başladığını bildirir. 

“Ekspress” azərbaycanlıların Rusiyadan deportasiya olunmasını “geriyə köçün başlaması” kimi dəyərləndirir. 

Hövsan qəsəbəsində 10 gündür ki, manyak peyda olduğunu yazan qəzet 32 yaşlı şəxsin qadınlara seksual hərəkətlər etdiyini bildirir və polisin bu adamın artıq izinə düşdüyünü qeyd edir. 

“Exo” ekspertlərə istinadən rəsmi Dəməşqə qarşı döyüşlərdə Azərbaycan vətəndaşı olan 100-dən çox şəxsin (əsasən sələfilər ) iştirak etdiyini yazır.

“Bizim yol” qəzetinə şərhlərində ekspertlər bildiriblər ki, kibertəhlükəsizliyini özü qoruya bilməyən Azərbaycan hökuməti ölkə vətəndaşlarının toxunulmaz olan şəxsi yazışmalarına belə nəzarət edir. 

Qəzet araşdırmalara istinadən Dövlət Əmək Müfəttişliyi Xidmətinin hər ay iş adamlarından 10 milyon manatlarla “haqq” yığdğını qeyd edərək bu qurumu sahibkarlar üşün “Vergi Nazirliyindən də qorxunc” adlandırır.    

“Yeni Müsavat” iqtidarın vəzifələrə təyinat məsələsində əslən Ermənistandan olanlara  “stavka” etməsini son prezident seçkilərinə Qərbin mənfi rəyindən irəli gələn “daxili vəziyyətə həssas yanaşma”nın tələbi kimi dəyərləndirir. 

Torpaq Komitəsinin Salyan rayon şöbəsinin vəzifəli şəxsləri rüşvət faktına görə həbs olunublar.