Terminalın Bakı buxtasından başqa yerə aparılması kommersiya və sosial cəhətdən əlverişlidir

Zərurət yaransa, Ələt qəsəbəsindəki Bakı Beynəlxalq Ticarət Limanında neft terminalı yaradıla bilər. Bu barədə ölkənin 2014-cü və sonrakı illərdə sosial-iqtisadi inkişaf konsepsiyasında bildirilir. 

"Yeni liman quru yüklərin işlənməsi, konteynerlərin nəqli və bərələrin göndərilməsini təmin edəcək. Zərurət yaransa, limanda neft terminalı da tikilə bilər", - deyə konsepsiyasında qeyd edilir. 

Sənəddə bildirilir ki, terminalın köçürülməsi Bakı küçələrində avtoyükü azaldar, ekologiyanın yaxşılaşmasına kömək edər. 

"2015-ci ildə liman 11,6 mln ton yük işləyə biləcək", - deyə konsepsiyada bildirilir. 

Bakı buxtasındakı indiki terminalı 1998-ci ildə TransChart şirkəti tikib və Azərbaycanda ilk özəl terminaldır. Sonradan o, Azpetrol Holding-in nəzarətinə keçib və Azertrans şöbəsinə tabe olub. 2005-ci ildən terminalı CrossCaspian idarə edib. O, ARDNŞ və Dubayın Middle East Petrol (Intersun Holding-ə daxildir) şirkətlərinin birgə müəssisəsidir.

Terminalın köçürülməsini ekspertlər müsbət qiymətləndirir. Çünki oraya əsasən Xəzərin sağ sahilindən neft məhsulları daxil olur və onlar vaqonlarla Gürcüstan limanlarına göndərilir. Qatarların Bakıdan Ələtə çatması bəzən 5-6 saat çəkir. Ona görə terminalın köçürülməsi nəqliyyat axınında gərginliyi azaldacaq, neft və neft məhsullarının Cənubi Qafqaz dəhlizi ilə çatdırılmasını tezləşdirəcək. –12В--