Rəsmi qəzetlər dövlət başçısı İlham Əliyevin Fransaya işgüzar səfərinin başa çatması haqda xəbərləri, 29 oktyabr Türkiyədə Respublika günü ilə bağlı Türkiyə dövlət rəhbərlərinə təbriklərinin mətnlərini ilk səhifələrdə yerləşdiriblər.
“Azadlıq” qəzeti Freedom House və Soros Fondunun təşkilatçılığı ilə bu günlərdə Vaşinqtonda Azərbaycanda insan hüquqlarının ağır durumu ilə bağlı keçirilən dinləmələri ilk səhifəyə çıxararaq “Azərbaycana qarşı sanksiyaların nəzərdən keçirilməsi” məsələsi üzərində xüsusi dayanıldığını vurğulayır.
Qəzet son vaxtlar AXCP-dən istefa verənlərin partiyanın ünvanına tənqidi bəyanatlarla çıxış etmələrini “iqtidarın AXCP-yə qarşı “istefa əməliyyatı” kimi dəyərləndirir.
Paşayevlər ailəsinin Türkiyədə bank aldığını yazan qəzet “TAİB Bank” adlanan bu bankın “PAŞA Bank Türkiyə” adı altında fəaliyyət göstərəcəyini bildirir.
“Ekspress” nizamnamə kapitalını tələb həddinə çatdıra bilməyən 5-6 bankın bağlanacağı haqda Milli Bankın rəhbəri Elman Rüstəmovun bəyanatını ilk səhifədə yerləşdirib.
“Novoe Vremya” NATO-nu “əvvəlki kimi Xəzər regionuna girmək cəhdləri”nə görə ittiham edən mövqeyini ön plana çıxarıb.
Bir qrup vətəndaş fəalının Avropa Şurasına şikayət məktubu ünvanlamasını mənasız sayan qəzet buna “Siz kimə şikayət edrisiniz?” mövqeyini sərgiləyir.
“Bizim yol” deputat Qalib Salahzadənin “bələdiyyələr artıq seçilib, kimlərin də sədr olacağı artıq məlumdur” bəyanatını “şok açıqlama” adlandıraraq diqqət mərkəzinə çəkib.
QHT-lərə Dövlət Dəstəyi Şurasının sədri deputat Azay Quliyev bankları QHT-lərdən yüksək xidmət haqqı tələb etməkdə suşlayıb.
“Yeni Müsavat” Paris görüşü çərçivəsində Fransa prezidentilə görüşdə Azərbaycann dövlət başçısı İlham Əliyevin həbsdə olan hüquq müdafiəçisi Leyla Yunusla maraqlanacağı barədə vədini “siyasi məhbusların azad ediləcəyinə olan ümidin artması” kimi dəyərləndirir.
Qəzet Bakı-Sumqayıt yolunda tıxacların intensiv olmasına səbəb kimi Bakı avtovağzalına sahiblik edən deputat Elton Məmmədovun öz biznes maraqlarına görə yolun genişləndirilməsinə iczaə verməməsini göstərir.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz