![Mətbuat-Monitorinq 29.10.15](https://turan.az/resized/750/500/resize/media/2015/main/102900134545.jpg)
Mətbuat-Monitorinq 29.10.15
Rəsmi qəzetlər dövlət başçısı İlham Əliyevin Ceyranbatan Ultrasüzgəcli Sutəmizləyici Qurğular Kompleksinin açılışında iştirakı və çıxışını ilk səhifələrdə yerləşdiriblər.
Bundan əlavə, “Azərbaycan” qəzeti PA-nın rəhbəri Ramiz Mehdiyevin “Avropa strukturlarının deqradasiyasının mənbələri haqqında və ya Azərbaycana münasibətdə ikili standartlar siyasəti” adlı irihəcmli məqaləsini dərc edib.
“Azadlıq” qəzeti “MTN işi” ilə bağlı həyat yoldaşı, qızları İŞİD-ə qoşulan İrqar Yusifovun MTN-i İŞİD-i himayə etməkdə suçlamasını manjetə çıxarıb. Qəzet MTN işi ilə bağlı həbs edilənlərin sayının 15 nəfərə çatdığını bildirir.
AXCP sədrinin müşaviri Məmməd İbrahimin həbs qətimkan tədbirinin ev dustaqlığı ilə əvəz edilməsi şikayətini Bakı Apellyasiya Məhkəməsi təmin etməyib.
“Azadlıq” qəzetinin 17 saylı həbsxanada dustaq olan yazarı Seymur Həzi ailəsilə görüşüb.
Qəzet həbsdə olan keçmiş nazir Əli İnsanovu qardaşının yas mərasiminə, hakimiyyəti tənqid edən diplomat Arif Məmmədovun anasını xaricə buraxmamasını “hakimiyyətin növbəti cılızlığı” kimi dəyərləndirir.
Vəkil Fəxrəddin Mehdiyev ölkədə 12 qurumda istintaq idarələri olduğunu xatırladaraq, ölkədə vahid istintaq orqanının yaradılmasını təklif edir.
Həbsdə olan jurnalist Pərviz Həşimlinin vəkili Bəhruz Bayramov istintaq zamanı MTN-də P.Həşmlidən PA-nın rhəbəri Ramiz Mehdiyevin oğlu Timuçin Mehdiyevin əleyhinə ifadə almağa çalışıldığı barədə açıqlama verib.
Ekspertlər Azərbaycanın Kreml layihəsi olan “Avrasiya İqtisadi İttifaqı”na qoşula bilməsini “ölkənin strateji maraqlarına ciddi zərbə” kimi qiymətləndiriblər.
Bir ildən sonra Rusiyanın zəif duruma düşəcəyini deyən ekspertlər bunu Qarabağ probleminin həlli üçün müsbət perspektiv adlandırırlar.
“8-ci km bazarı”nda yer pullarının qaldırılmasına etiraz olaraq bir qrup bazar alverçisi Nizami Rayon İcra Hakimiyyətinin önündə aksiya keçiriblər.
“Ekspress” Xəzər dənizində suyun səviyyəsinin qalmasını önə çəkərək paytaxt zərər görməsə də Abşeronda müəyyən əraziləri sy basacağını bildirir.
Şəhid Mübariz Əzizovun ailəsi biznes qurmaq üçün bankdan götürdükləri 740 min dollar pulun MTN-də əllərindən alındığı barədə açıqlama verib.
“Novoe Vremya” Qarabağ münaqişəsinin tənzimləməsilə bağlı istənilən danışıqların gündəliyinin yalnız işğalçı qoşunların çıxarılmasından”dan ibarət olmalıdır” mövqeiyini ilk plana çəkib.
“Bizim yol” “MTN işi” ilə bağlı şəhid ailəsinin 740 min dollar alınması faktına “MTN-lə bağlı daha bir səs-küylü cinayət” mövqeyini ilk səhifəyə yerləşdirib.
Tarif Şurasının dərmanların qiymətlərini ucuzlaşdırması prosesini davam etdirdiyini yazan qəzet daha 827 adda dərmanın ucuzlaşdığını bildirir.
Keçmiş deputat Fazil Mustafa Azərbaycanın Kreml layihəsi olan “Avrasiya İqtisadi İttifaqı”na daxil ola bilməsini “Ermənistanla əməkdaşlıq” kimi şərh edib.
“Yeni Müsavat” MTN-in keçmiş şefi Eldar Mahmudovun vəzifəsini itirməsinə səbəb kimi “daxildə çevriliş” hazırlamaq istəməsi iddiasını ilk səhifəyə çıxarıb.
“MTN işi” ilə bağlı həbs edilən Rabitə Nazirliyi aparatının rəhbəri Vidadi Zeynalovun qardaşı MTN polkovniki Vahid Zeynalov işdən azad edilib.
Qəzet MTN rəsmilərinin vəhabi təriqətinə aid qüvvələrə himayədarlıq etmələri barədə məqalə dərc edib.
REAL Hərəkatı indiki şərtlərlə formalaşacaq parlamentin xalqın iradəsini ifadə etməyəcəyi haqda bəyanat yayaraq nəticələri tanımayacağını bildirir.
Ekspertlər Etibar Əliyevin “Texnikabank”a Müşahidə Şurasının sədri təyin edilməsinə “bu təyinatın bank sisteminə ciddi təsitr göstərəcəyi” şərhini veriblər.
-
- İqtisadiyyat
- 29 Oktyabr 2015 12:48
-
- İqtisadiyyat
- 29 Oktyabr 2015 13:36
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz