Mətbuat-Monitorinq 29.11.13
Rəsmi qəzetlər dövlət başçısı İlham Əliyevin Litvaya işgüzar səfərinə, görüşlərinə dair xəbərləri ilk səhifələrə çıxarıblar.
“Azadlıq” qəzeti Demokratik Qüvvələrin Milli Şurasının sədri Rüstəm İbrahimbəyovun məktub göndərərək qurumda tutduğu vəzifədən istefa vermək istəməsini ilk səhifəyə çıxarıb.
Avropa İttifaqının “Şərq tərəfdaşlığı” ilə bağlı Vilnüs sammitində Azərbaycan və Ukraynanın quruma münasibətini təhlil edən qəzet “Əliyev və Yanukoviçin sıradan çıxarılacağını” bəyan edir.
Media ekspertləri “Azadlıq” qəzetinə çoxtərəfli təzyiqləri hadisələrin bir mərkəzdən idarə olunması kimi dəyərləndiriblər.
Azərbaycan ictimaiyyətinin tanınmış nümayəndələri “Azadlıq” qəzetinin taleyilə bağlı Avropa İttifaqının Vilnüs sammitinə müraciət edib.
Ölüm və ya ağır xəsarətlə müşayiət olunmayan adi yol qəzasına görə vəkil Qurban Məmmədova 3 il həbs istənilməsini hüquqşünaslar “ədalətsizlik yox, həyasızlıq” adlandırıblar.
Əmək və əhalinin sosial müdafiəsi naziri Səlim Müslümovun ünvanlı sosial yardım alan ailələrin siyahısını açıqlamasını qəzet əvvəlki nazir Füzuli Ələkbərovun həbsinə səbəb olacağını bildirir.
“Zerkalo” RF dövlət başçısı Putinin Ermənistan səfərinə “Qarabağ münaqişəsinin tənzimlənməsində mümkün olan olan dönüşün qarşısını almaq” kimi şərh verir.
Gürcüstanın Avropa İttifaqı ilə assosiativ üzlük sazişi imzalamasına diqqət çəkən qəzet bu fonda rəsmi Bakının mövqeyinə “Azərbaycan isə əvvəlki kimi Avropaya inteqrasiyadan uzaqdır” münasibətini ifadə edir.
“Ekspress” Azərbaycanın bu gün Vilnüsdə Avropa İttifaqı ilə gözlənilən sadələşdirilmiş viza rejimi sazişi imzalayacağına və Avropaya vizanın 30 avro olacağına diqqət çəkir.
“Novoe Vremya” Avropa İttifaqının Vilnüs sammitində Azərbaycanın iştirakı ilə bağlı “Vilnüsdə Bakıdan nə gözləyirlər?” sualını gündəmə gətirir, habelə sammitin məqsədinin aydın olmamasına “Baltik sirenası hara çağırır” ilə işarə edir.
“Bizim yol” ABŞ, RF və Rusiya arasında Qarabağa dair gizli sövdələşmənin olması haqda iddianı manjetə çıxarıb.
“Yeni Müsavat” Avropa İttifaqı “Şərq tərəfdaşlığı”nın Vilnüs sammitinin qalmaqalla başlamasına, Azərbaycanın Aİ ilə ancaq sadələşdirilmiş viza rejimi barədə saziş imzalayacağını önə çəkib.
“NİDA”çıların məhkəməsində gənclər istintaqın böhtan üzərində qurulduğunu bildiriblər və qəzet istintaqa “ağlasığmaz iddialar, ilginc təfərrüatlar” mövqeyini ifadə edir.
Qəzet yazır ki, həbs edilən Müsavat Partiyası Naxçıvan təşkilatının üzvü Mehdi Niftəliyevdən müxalifətçilərin və jurnalistlərin əleyhinə ifadə almaq istəyirlər.
Əmək nazirliyinin əlillik statusu verilməslə bağlı prosesləri sərtləşdirmək istəməsini qəzet nazirliyin “əlillərə qarşı mübarizəyə başlaması” hesab edir.
-
- Siyasət
- 28 Noyabr 2013 22:41
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz